Revista (PDF) - Universidade do Minho

238
DIACRÍTICA
que aprender do seu home, polo visto, até mesmo a «administraçom
doméstica», o modo de levar a casa. Ironicamente, vale dizer que, na
verdade, Aristóteles tinha em altíssima consideraçom a capacidade
feminina, porque em tais «condiçons» de partida e de ambiente considerava
à mulher capaz de (chegar à) amizade virtuosa. Umha semelhante
contradiçom é patente assimesmo entre: dum lado, na Pol., a
auséncia e/ou a exclusom das mulheres da participaçom política, que
em toda a Pol. está basicamente implícita e só às vezes é abertamente
manifesta, como paradigmaticamente na crítica a Lacedemónia em
II/9 (1269b32-34); e de outro lado, na Ret., a assunçom da figura de
Antígona como, digamos, representaçom, detentora e abandeirada, da
«justiça natural», em I/13 (1373b9-11), e da «lei nom-escrita», em I/15
(1375a33-35). Contradiçom ainda mais flagrante por quanto Antígona,
como recolhe o próprio Aristóteles em III/16, nom só desafia a «justiça
política» senom tamém a «justiça doméstica» (1417a30-34).
Mas, deixando apontados estes paradoxos, que sem dúvida fracturam
o teor geral escravista e patriarcal, concluamos ja, recapitulando
a concepçom aristotélica da «justiça doméstica» e, no que a ela
atinge, da «justiça política».
Segundo temos visto na Étc.Nic. e na Pol., estes tres seres, o
escravo e a mulher e o neno, tenhem, a respeito do home livre adulto,
um estatuto incompleto: o escravo tem só (e quase nom) estatuto
humano; a mulher goza, além do humano, de estatuto cívico, mas nom
do político; e o neno possui, além do humano, os estatutos cívico e
político, mas estes só potencialmente. Sobre estes seres recai a «justiça
doméstica», que, reconhecendo-lhes diferentemente a condiçom de
sujeitos, os subordina, assimesmo diferentemente, ao home, amoesposo-pai.
Sair-se do seu laço, é para o neno questom de tempo,
mentres que constitui para o escravo umha probabilidade hipotética,
dependente da vontade do seu amo, e para a mulher umha possibilidade
limitada, ligada à eficácia da sua amizade (co seu home). Surprendentemente,
de ver-se livre, o ex-escravo poderia chegar a atingir
a condiçom de sujeito político, mentres que a mulher, sendo ja livre,
nom parece – excepto talvez na democrácia – poder chegar a actuar
em política, senom é a través do seu home. No entanto, eles (os tres)
som só objectos da «justiça política».
Em qualquer caso, o que era «natural», a «reduzida entidade» do
escravo e da mulher, conhece modificaçons: paradoxalmente, produzíveis
por esses mesmos sujeitos! Nem que dizer tem que, com isto, o
fundamento naturalístico da escravitude e do patriarcado se cambalea.
Estas fracturas, patentizadas pola nossa leitura, estám ja na