Revista (PDF) - Universidade do Minho

A identidade de Europa:
Unha reflexión en tempos de postmetafísica
e globalización
1. Nada hai máis amable que o home
NEL RODRÍGUEZ RIAL
(Universidade de Santiago de Compostela)
Benqueridos amigos e colegas. Quixera escomeza-la miña intervención
dando as gracias ós membros deste Instituto de Humanidades,
que hoxe nos acolle, por facer xustiza ó kantiano proxecto de paz
perpetua. Confeso – e coido que de tal confesión se sentirán partícipes
e solidarios os meus compatriotas – que tanto nestes días como en
datas xa pasadas, sentimos na alma, mais tamén no corpo – o noso
gosto estético e culinario son bos testigos disto – o voso agarimo e os
vosos sinceiros sentimentos de simpatía e de fraternidade cosmopolita.
Sentimentos que fan honor a ese dereito que, segundo Kant, e tal como
nos recordaba hai uns intres o Prof. Acilio da Silva, temos tódolos
homes extranxeiros a sermos recibidos e tratados en territorio alleo
non como inimigos, senón como amigos, eu diría como fraternais
membros dunha humanidade que a todos nos é común, e que a todos
nos iguala e ampara.
A hospitalidade humana e filosófica que estes días nos dispensades
nesta fermosa cidade de Braga ilustra no plano filosófico, mais
tamén no político, o ideal moral que debe rexir esta minúscula república
de filósofos que formamos todos cantos nos reunimos neste
ágora ou foro recén estreado que acordamos en chamar Coloquio
Luso-Galaico de Filosofía. ¡Canta razón tiña Menandro cando decía
oujde; carievsteron a[nqrwpou, «nada hai máis amable que o home»!
En efecto, nada hai máis amable na terra que o home, cando o home
decide ser amable e, como sabemos, desgraciadamente non sempre o
decide. Un, que se sinte home entre os homes, desexa pagar, pois,
DIACRÍTICA, FILOSOFIA E CULTURA, n.º 17/2 (2003), 183-200