Revista (PDF) - Universidade do Minho

200
DIACRÍTICA
encarnada dende Grecia pola fraternal comunidade de filósofos e científicos,
pero que ten que facerse extensiva, nun esforzo aberto e continuado
á infinidade do tempo futuro, a todo o xénero humano, pois non
é o filósofo en exclusividade, senón a humanidade no seu conxunto a
que está chamada a unha loita constante non só pola súa autocomprensión,
senón, tal como xa sinalei, tamén pola súa auto-responsabilidade;
comprometida, en fin, polo sentido racional e o bon destino
de sí mesma e do mundo. ¿Será necesario que vos lembre que con
estos Coloquios Luso-Galaicos de Filosofía non facemos outra cousa
que renovar unha vez máis aquel vello e noble exercicio do lógon
didónai, esforzándonos en realizar no mundo os intereses da razón ou,
diréino cunha expresión kantiana que amo profundamente, conseguir
«o uso público da razón en tódolos dominios»?