Revista (PDF) - Universidade do Minho

116
DIACRÍTICA
tude mundana, as suas lucubraçons filosóficas e europeístas. Curiosamente,
serám as opinions e a actitude da sua amante, senhora do
paço de Portocelos, a respeito de Galiza o que desencadeará, em
Berlim, a ruptura entre ambos. Sem embargo, o re-descobrimento e a
re-valorizaçom de Galiza só se produzem, verdadeiramente, logo em
Antuérpia, onde se dirigira para embarcar rumo ao porto d’A Corunha.
Ali, nos peiraos e as dársenas do porto de Antuérpia, contemplando o
armazenamento e a circulaçom de mercadorias de todo o mundo, em
definitivo, os movimentos dos fluxos do mercado capitalista internacional,
é que Adrián apalpa a possibilidade, e enxerga a utilidade, de
encaixar a vida (os lavores) da sua remota aldea ourensana, e a vida
(a produçom) da sua pequena pátria galega, nas grandes correntes
do mundo 37 .
Adrián volta à sua terra e assenta-se na sua herdade, a cujas fainas
dedica os seus esforços, compatíveis com o exercício privado da filosofia,
a leitura e a meditaçom, e com a exploraçom de Galiza que,
como lhe acontecera na viage de retorno, lhe parece ve-la por primeira
vez, mesmo os lugares ja conhecidos. Tendo conciliado, persoalmente
e interiormente, ser galego e ser europeu, agora cumpre conciliar, exteriormente
e colectivamente, esses mesmos factos, conjugando galeguismo
e europeísmo 38 . O ideal que abraça e a empresa em que se
integrará é a construçom da «Europa dos Povos» 39 .
Noutra orde de cousas, é importante assinalar que Arredor de si é
um texto sustentado por um nós, por umha voz narrativa 40 que, ainda
que remete para o indivíduo Pedrayo, quer representar um sujeito
colectivo, designadamente, o movimento galeguista, o nacionalismo
galego, em que Castelao é umha figura capital.
——————————
37 Devido ao facto de polo Atlántico passar as grandes correntes do mundo
(Arredor de si, pp. 135- 136).
38 «Por Galiza e na Galiza era Adrián europeo e pranetario» (Arredor de si, p. 150).
39 Assi, ele imagina: «o futuro mapa da Europa. As fronteiras non eran liñas de
aduanas sinon vidales zonas de transición entr’as armoñosas concenceas dos pobos»
(Arredor de si, p. 151).
40 O narrador situa-se, desde o início do romance, na posiçom (a consciéncia
nacionalista) que, ao final, atinge Adrián. Sobre este ponto, e muitos outros, tem um
enorme interesse a «leitura» do romance, com os «tópicos» estudados, que leva a feito
F. Casal na sua Aula literaria (A Corunha, 1994, pp. 81-186).