Revista (PDF) - Universidade do Minho

NÓS E A EUROPA 119
Em Espanha, Galiza é, como ja assinalámos, umha «naçom sem
estado», o que nom sempre aconteceu assi, pois ja tivo instituiçons
políticas soberanas, e o que, como tampouco se cansa de indicar Castelao,
estaria entrando no ponto de poder ser corrigido, com a conquista
e a implementaçom da autonomia 50 . Esta, com o horizonte da
federalizaçom do estado republicano, deveria acarretar o início do
final do desarranjo institucional e instabilidade política ja seculares,
devido ao facto de, ao seu ver, em Espanha haver quatro naçons
(Galiza, Euskadi, Catalunya e Castela) mas um só estado, indevidamente
chamado espanhol pois é só castelám, que, em consecuéncia,
disturba, constrange e mesmo esmaga a existéncia das outras tres
naçons 51 . Ora bem, Castelao nom pretende acabar com Espanha,
senom que quer reconstrui-la democraticamente 52 : por isso, entende
que este estado, o espanhol, nom tem que dissolver-se e desaparecer,
senom que ele deverá existir e funcionar como umha «uniom
pactada» 53 entre as quatro naçons, única garantia possível para os
direitos, a liberdade e a solidariedade, nom só dos indivíduos senom
tamém dos povos que integram Espanha. Esta nova complexom democrática,
o estado federal, supom a autodeterminaçom dos povos hispanos
e implica a «divisom da soberania» espanhola 54 . Pois bem, este
processo, de segmentaçom e agregaçom, é similar ao requerido, a umha
outra escala, para a construçom da Uniom Europea, tal como é entendida
em Sempre en Galiza. É mais, a trasformaçom de Espanha é, por
outra parte, um passo – umha etapa – na construçom europea.
A tarefa de Galiza, em Espanha, é efectivar a passage da subordinaçom
à coordenaçom. Primordialmente, deve mudar-se a si própria,
——————————
50 O Estatuto de Autonomia de Galiza foi aprovado em plebiscito o 28 de junho
de 1936 e, após inúmeras vicissitudes, tomou «estado parlamentário» o 1 de fevreiro
de 1938, nas Cortes da República celebradas em Montserrat. Ambos os processos, em
que interviu activamente Castelao, som longamente relatados em Sempre en Galiza.
51 É tema profusa e profundamente tratado no texto. Um exemplo: «Cando un
Estado abrangue unha realidade heteroxénea ten a obriga de recoñecer e protexer, por
igoal, a todal-as partes nacionaes que o compoñen, para suprimir os motivos de conflito,
en ben da sua esistencia e unidade» (Sempre en Galiza, p. 443).
52 Assi, ele afirma « […] non intentamos tronzar a solidaridade dos povos hespañoes
– reforzada por unha convivencia de séculos – senón máis ben posibilitar a reconstrución
da gran unidade hispana, ou ibérica», desde a posiçom e na perspectiva que ele
chama de «demócratas verdadeiros» (Sempre en Galiza, pp. 55-56).
53 Assi: «nós estamos seguros que as realidades hespañolas somentes se aveñen a
unha unidade pactada» (Sempre en Galiza, p. 304). Ora, esta «unión pactada» (Sempre en
Galiza, p. 312) deve contemplar, ainda, unha «lei de divorcio» (Sempre en Galiza, p. 436).
54 A expressom é de Castelao (Sempre en Galiza, p. 162).