Revista (PDF) - Universidade do Minho

234
DIACRÍTICA
havé-las senom entre aqueles que existe algo em comun. Por isso,
porque com ele «nom se tem nada em comum» (1161b3), nom som
possíveis co «escravo em quanto escravo» (1161b2). Mas si cabem,
com ele, «algumha» justiça e amizade, em quanto «que é (um ser)
humano» (1161b7): pois, segundo Aristóteles, «parece existir umha
espécie de justiça» (1161b5), e «assimesmo tamém umha espécie
de amizade» (1161b7), entre «todo (ser) humano e todo o capaz de
participar dumha lei ou convénio» (1161b6-7). Por isso, quase nom hai
nem amizade nem justiça na tirania, onde só cabem em pequena
medida, e, pola contra, nom ocorre o mesmo na democrácia, porque,
nela, «sendo iguais – os cidadáns – tenhem muitas cousas comuns»
(1161b9-10). Como vemos, nesta revisom, Aristóteles esquece a oligarquia
e o seu análogo, o matrimónio regido pola mulher, em que por
força, havendo mais em comum, terám que poder dar-se umhas
maiores amizade e justiça.
Sobre a relaçom home-mulher, volve Aristóteles no cap. 12, ao examinar
a amizade na(s) comunidade(s) entre parentes: a paternal, a fraternal
e a matrimonial. Considera-as todas dependentes ou, mais bem,
derivadas da paternal: quer dizer, dos vínculos travados a partir dos
progenitores. A respeito da «paternal» (1161b17), insiste na imensa
déveda filial (existéncia, criança, educaçom) e nos caracteres do relacionamento
anteriormente (no cap. 11) salientados, mas nom volve
sobre a sua naturalidade (mencionada ja no cap. 1 e relembrada no
cap. 11). «A respeito da fraternal» (1162a10), só retoma alguns traços
ja antes ditos. A respeito da «amizade entre o home e a mulher»
(1162a16), Aristóteles entra mais em matéria.
Primeiro, salienta o seu fundamento natural: esta amizade parece
«fundar-se na natureza» (1162a16-17), pois «o humano por natureza
tende a viver em parelha/s antes que em cidade/s» (1162a17-18), na
medida que, por de pronto, «é mais primordial e mais necessária a
casa que a cidade» e que, além disso, «a procriaçom é mais comum cos
animais» (1162a18-19). Em segundo lugar, Aristóteles recorda a especificidade
(humana) desta relaçom entre home e mulher, pois «os
humanos coabitam nom só para a procriaçom senom tamém para os
demais fins da vida» (1162a20-22), insistindo neste ponto na diferença
de funçons e virtudes do home e a mulher, facto que, em terceiro lugar,
se traduze numha complementariedade entre ambos mas tamém
numha subordinaçom da segunda ao primeiro. Por último, como assimesmo
entre os irmáns e para cos progenitores, na parelha cabem o
prazer e a utilidade e até a virtude como motores ou baseamentos
da amizade. Esta vai ser a única via, quando nom dispom da riqueza