Revista (PDF) - Universidade do Minho

NÓS E A EUROPA 109
livre, gentes livres dum/num povo livre. Em ambos os casos, e o
mesmo acontece com Zernagora, a ecuaçom é simple: como todas
elas, Galiza é um «objecto» e pode e deve ser um «sujeito».
Mais exactamente, em primeiro lugar, Galiza é um objecto: como
o é Irlanda, naquela altura sob o império británico; como o foi Mesénia
na antiga Hélade 7 , e o era Grécia até o XIX sob o jugo turco; como
o era Zernagora, até mais avançado o século e tamém sob o domínio
otomano. E, em segundo lugar, Galiza pode e deve ser um sujeito:
como (pode e deve) Irlanda, que assi o quer 8 ; como ja o som Grécia e
Zernagora. Com esta última, Galiza só partilha o desígnio emancipatório,
mas com Irlanda e Grécia tem outros, e mais, traços comuns.
Além das suas similares situaçons, a existéncia submersa sob um
domínio alheador, Galiza e Irlanda chegam mesmo a coincidir na sua
esséncia, pois ambas seriam naçons, terras, «celtas» 9 . Esta circunstáncia,
ignorada polos próprios galegos, forneceria a ocasiom para,
descobrindo-a, recoñecerem-se no passado (celta) e, despertando do
eterno presente, abrirem-se à história, projectando-se no futuro. Este
celtismo, em suma, mais que umha cultura física, é umha cultura
psíquica, à qual a herança clássica helénica virá somar-se e encher de
contido. Com efeito, além das semelhanças e paralelismos com a
situaçom galega que o mundo grego antigo oferece, é a sua cultura
clássica, a possibilidade de recepcionar e assimilar a civilidade helénica
tornando-a acervo próprio, o que motiva a aproximaçom de
Grécia e Galiza. O recurso ao «celta» e o «grego» é, pois, fermento
fundamental para a empresa emancipatória que cumpre aos galegos
realizar, tornando-se eles próprios sujeitos históricos, convertendo
Galiza num sujeito político.
Ora, o resultado desse processo de transformaçom nom ha ser,
segundo vemos em Queixumes dos pinos, a fragmentaçom de Espanha
e a segregaçom de Galiza, senom que esta, constituída – e ja mesmo no
movimento de se constituir – em sujeito, pode servir para revigorar a
«caduca Ibéria» 10 , chegando até a ajuntar os dous estados peninsu-
——————————
7 Significativamente, o poema n.º 72 (Queixumes dos pinos, p. 175).
8 Designadamente, som evocados os «bons ideais» de Parnell e O’Connell (Queixumes
dos pinos, p. 186).
9 Pondal chega a referir-se a Galiza com nomes que seriam apropriados para
Irlanda: Finian, Erin (Queixumes dos pinos, p. 75 e p. 132).
10 Queixumes dos pinos, p. 165. Ora, ainda mais do que este poema (o n.º 67), som
representativos da vinculaçom ibérica: o que fai o n.º 45 (pp. 115-120) e o que fai o
n.º 75 (pp. 181-182). Polo demais, Portugal é tamém simpaticamente aludido no «hino
galego»: Queixumes dos pinheiros e Outros poemas, p. 112.