Is Pregadorias antigas: su signo de sa devozioni - Provincia del ...

Comune di Gésturi
Mòrrere crucifissada!
Si no a mie sa lantzada
Mi aperzesit su costadu.
Sete ispadas de dolore
Su coro m’ant trapassadu.
Giudeos pro amore ’e Deus,
In custa fatale die
Inclavade puru a mie
A lados de Fizu meu,
Su corpus mirat s’ebreu,
S’ànima no at inclavadu.
Sete ispadas de dolore
Su coro m’ant trapassadu.
Sete crudeles feridas,
Sete frécias penetrantes
Daiant mortes bastantes
A innumeràbbiles vidas,
Miràndhelas totus unidas
In custu coro ligadu.
Sete ispadas de dolore
Su coro m’ant trapassadu.
Cumplidu azis su disizu
De lu bider già defuntu,
Proite totu in d-unu puntu
No bochides Mamma e Fizu?
Pro mi dare piús fastizu
Bia già m’azis lassadu.
Sete ispadas de dolore
Su coro m’ant trapassadu.
Già ch’est mortu Fizu meu
Acabbade como a mie
E morza in d-unu die
Cun cudhu Fizu de Deu.
Crudele e duru Giudeu,
Oh, cantu ses ostinadu!
Sete ispadas de dolore
Su coro m’ant trapassadu.
Morte, no mi lesses bia,
morte no tardes piús,
Ca sendhe mortu Gesús,
No podet viver Maria;
Unu Fizu chi tenia
sa vida li ant leadu.
Sete ispadas de dolore
Su coro m’ant trapassadu.
O Babbu eternu abbasciade
Cun sas istàntzias Divinas
E tirade sas curtinas
De sa Bostra Magestade:
Si est cussu cuntemplade
Fizu Bostru pretziadu.
Sete ispadas de dolore
Su coro m’ant trapassadu.
Benide, ànghelos, benide
Cun sos càlighes in manu
De su Samben Soberanu
Sos torrentes acoglide,
Suspirade e pianghide
Custu Gesús lastimadu.
Sete ispadas de dolore
Su coro m’ant trapassadu.
Proite est chi tirannia
at usadu su Giudeu?
Totu su dolu est su meu,
Sa pena est totu sa mia;
Totu, totu est pro Maria
Su dolore conservadu.
Sete ispadas de dolore
Su coro m’ant trapassadu.
No at parte su rigore
pro nisciuna criatura,
Totu est mia s’amalgura
Totu est meu su dolore,
Ca su mortu Redentore
Est Fizu meu istimadu.
Sete ispadas de dolore
Su coro m’ant trapassadu.
A mie tocat su dolu
Proite su dolu est su meu,
123