Is Pregadorias antigas: su signo de sa devozioni - Provincia del ...

136
IS PREGADORIAS ANTIGAS - SU SIGNU DE SA DEVOTZIONI
bosu boleis elevai su génuru umanu a una vida soprannaturali e Divina. C’est istau
s’órdini de sa creatzioni, principiau cun Adamu e cun Eva, e fiat sentza duda una
figura de custu segundu órdini de ristoratzioni e de gràtzia, chi cumentzat cun Maria
e cun Gesús. Adamu fiat figura de Gesugristu, Eva de Maria.
E sigomenti Eva in su momentu, in su cali est istada tirada de su costau de Adamu,
cali primu frutu de Issu, innotzenti e pura, in totu símili a Issu, cunteniat in sèi is
bènis e is grandesas de sa prima creatzioni, poita depiat èssiri Mamma naturali de
totus is óminis: aici Maria intrendu in su mundu, cali primu frutu de su cumplimentu
de is tempus, viva immàgini de Gesugristu, cumparrit in cussu primu istanti, coment’e
printzípiu, chi abbratzat cun sèi is bènis e meravíglias de sa segunda creatzioni,
chi est s’órdini soprannaturali de sa gràtzia, poita depit èssiri Mamma de vida
soprannaturali e Divina a totus is eletus. In custu modu sa réxini abbratzat e cuntenit
cun sèi sa bondadi e sa grandesa de s’àrburi, e de is frutus; aici una sorgenti abbratzat
sa puresa, e friscura de is àcuas de s’arriu chi issa format; aici su centru cuntenit is
rajus chi de issu partint e si difundint po dogna logu. O cun cali sapiéntzia, o Divinu
Creadori, eis iscípiu preparai, e cuncentrai fintzas de s’eternidadi is maravíglias, e is
glórias chi apustis feis suscitai in sa manifestatzioni de is òperas! O cun cali ammiràbbili
armonia feis corrispúndiri a su printzípiu is médius e su fini! E po cussu, tantu
nóbbili e importanti eis fatu su primu instanti de sa Concetzioni de Maria, chi eis
postu coment’e printzípiu e compéndiu de s’órdini misteriosu de sa rigeneratzioni e
santificatzioni de is óminis! A bosu, o Deus de is séculus, immortali, e invisíbbili,
solu veru Deus, siat amori, e glória in Eternu.
Un Pater, tre Ave e Gloria
Oratzioni a Maria Immaculada
Puríssima Vírgini Maria! Su primu instanti de sa Immaculada Cuncetzioni bosta
est unu puntu misteriosu e magníficu, puntu solenni e venerandu totu santidadi e
gràtzia, chi riunit is maravíglias de s’eterna preordinatzioni chi Deus at fatu de
bosu, e is maravíglias chi po mesu bostu depit operai in s’órdini nou de sa gràtzia e
de sa rigeneratzioni. Po mesu bostu depit donai a cust’órdini nou unu Pontífitzi,
totu santidadi e gràtzia, chi est Gesugristu; e bosu etotu, o Maria, seis su Tabbernàculu
aintru de su cali Issu pigat su corpus, e su sànguini sú, po dh’ofèrriri in
vítima; e printzípiat s’eterna redentzioni de su géneru umanu. Tabbernàculu formau
nou de primu órdini de creatzioni, infetau de su pecau, ma segundu un’àteru
órdini disignau de Deus Creadori, meda prus santu, meda prus degnu de su Sovranu
Pontífitzi de sa santidadi de sa gràtzia, e po issu apariciau e cunsagrau a nòmini de
su celu e de sa terra fintzas de su primu instanti: «Amplius, e perfetus tabernaculum
non manufactum, neque huius creationis Tav.9 ». Si bosu, o Maria, seis, fintzas de
su primu instanti de su èsseri bostu, su Templu de s’eternu Pontífitzi su sacrarium
Sancta Sanctorum fatu puresa, totu candori, totu isplendori de luxi celesti e divina.
Nosu osservaus cun gioja e meravíglia custa pretziosa sorti bosta, chi ridondat
ancoras in bèni e glória nostra. Ma dh’osservaus cun timori, poita essendu nos
àterus cuntzebius e créscius in su pecau, is isplendoris de sa santidadi, e puresa
bosta, nosi faint connòsciri plus claramenti s’indignidadi nostra, e nosi plenit de