Is Pregadorias antigas: su signo de sa devozioni - Provincia del ...

Comune di Samassi
cudhas chi patint prus gravis penas, e cudhas po chini seus prus obbligaus a pregai,
poita chi bos alabint po totu un’eternidadi in su Celu. Aici siat.
Cuinta dí
O amantíssimu Segnori miu Gesugristu, chi non satisfatu s’amori bostu de is gravíssimus
doloris in su martíriu de is aciotus, estis bófiu èssiri coronau de una corona de
ispinas tanti penetrantis chi dognuna de issas aberiat in sa delicada conca bosta un’arriu
de sànguni chi bagnàt su santíssimu corpus bostu, po pigaindi aici su Dimóniu sa
corona de cudh’impériu e tirannia cun sa cali triunfàt de su Mundu, e po libberai de
sa severidadi de sa divina giustítzia s’Ómini cundennau a is ispinas po su pecau de
Adamu. Bos ofèrgiu Gesús miu su méritu de sa caridadi immensa cun sa cali estis
sunfriu custu nou martíriu in sufràgiu de is beneditas ànimas de su Purgatóriu, aundi
si cumplit rigorosamenti su divinu decretu de non dèpiri prodúsiri che ispinas e ardoris
e giai chi dhas eis elígias po isposas bostas, libberaidhas de cussas angustias:
tzerrienduridhas a dhas coronai de sa divina eterna glória, arriceidhas Segnori in sa
glória bosta, particularmenti cudhas chi in vida iant èssiri prus devotas de is ànimas
de su Purgatóriu, e cudhas po chini seus prus obbligaus a pregai po chi bos alabint
eternamenti in su Celu. Aici siat.
Sesta dí
O amantíssimu Segnori miu Gesugristu, Soberanu autori de sa vida, chi essendurusí
pubblicada sa inícua senténtzia de morti contra s’innotzéntzia bosta bosi festis incaminau
comenti infami malfatori peri is arrugas de Gerusalemmi a su monti Calvàriu,
oprimiu de su gravíssimu pesu de sa Gruxi, Bos ofèrgiu is frutus suavíssimus de
cust’àrburi Soberanu in allíviu de is Ànimas Santas de su Purgatóriu. Inchinai po
piedadi is cambus suus po temperai cun sa suavidadi de sa disigiada umbra sua is
ardoris inesplicàbbilis chi dhas turmentat, e aici refrigeradas passint a bosi gosai in sa
glória bosta, particularmenti cudhas chi sunt cundennadas a patiri po meda tempus, e
cudhas po chini seus prus obbligaus a pregai, po chi inní bos alabint po totus is
séculus de is séculus. Aici siat.
Sétima dí
O amantíssimu Segnori miu Gesugristu, chi debustis de èssiri arribbau cun grandu
trabballu a s’altura de su Calvàriu, bos iant ispollau de nou non solamenti de sa
túnica, si no tambeni de sa sagrosanta carri bosta, chi apicigada fiat a su bistiri cun su
sànguni de is gliagas; e debustis de bos ai inclavau, o mansuetíssimu Angioni, una
manu seghendu venas e nérbius cun sa violéntzia de s’obbilu e no arribbendu s’àtera
a sa proportzioni de sa Gruxi, dh’iant spietadamenti istirada cun funis, fintzas a descongiuntai
totus is ossus: e depustis de ai praticau sa própria barbaridadi inclavendu
is peis, altzada in altu sa Gruxi, lassada dh’iant abasciai cun grandu ímpetu in su
fossu destinau a dha plantai, disloghendusí noamenti su divinu corpus, e aberendusí
269