Is Pregadorias antigas: su signo de sa devozioni - Provincia del ...

Comune di Samassi
Statzioni VI
V. Adoramus te, Christe, et benedicimus tibi.
R. Quia per sanctam crucem tuam redimisti mundum.
In custa sesta statzioni si rapresentat su logu aundi sa Verónica iat asciugau sa faci de Gesús.
Cunsidera ànima cristiana, in cussu sudàriu sa faci de su bonu Gesús pàllida e sfigurada
po su sànguini ch’iat versau de sa sagrada conca sua, e po is ispudus ch’iat
arriciu. Prega, o ànima cristiana, Gesús de imprimiri in su coru tuu s’amori suu e
prostrada nara cun coru cumpuntu: O Gesús miu turmentau, imprimei bosi pregu in
su coru miu s’immàgini de s’amabbilíssima faci bosta.
Restituei a s’ànima mia sa primu figura de s’innocéntzia in sa cali creastis s’ómini.
Nareus unu Babbunostu, un’Ave Maria e unu Gloria Patri.
V. Misericórdia Signori.
R. Misericórdia Signori.
Pro peccatis suae gentis
vidit Iesum in tormentis
et flagellis sudditum.
Statzioni VII
V. Adoramus te, Christe, et benedicimus tibi.
R. Quia per sanctam crucem tuam redimisti mundum.
In custa sétima statzioni si rapresentat su logu aundi Gesús arruit po sa segundu borta
asuta de sa gruxi.
Cunsidera, o ànima cristiana, cun cali benignidadi Gesús, su Rei de is celus, su Creadori
de s’intieru universu si sullevat de terra essendu arrutu po sa segundu borta asuta
de sa pesantíssima gruxi. Pentza chi is doloris e su maltratamentu de Gesús est istétiu
totu po càusa de is pecaus tuus, po cussu pentia veramenti domanda plena de làgrimas
perdonu de tantis barbaridadis.
O Redentori miu ita tzurpidadi est istétia mai sa mia, in torrai a cummítiri cudhus
próprius pecaus chi m’iant fatu pèrdiri tantis bortas sa gràtzia bosta, apustis de tantis
promissas fatas a peis de su cunfessori e a sa preséntzia bosta. Perdonu, o Signori,
domandu e fortza po non cummítiri mai prus pecaus.
Nareus unu Babbunostu, un’Ave Maria e unu Gloria Patri.
V. Misericórdia Signori.
R. Misericórdia Signori.
Vidit .....dulce natum
moriendo desolatum
dum emisit spiritum.
317