Is Pregadorias antigas: su signo de sa devozioni - Provincia del ...

566
IS PREGADORIAS ANTIGAS - SU SIGNU DE SA DEVOTZIONI
Meditatzioni
Amori de su sagrau Coru de Gesús po is óminis.
Considera ànima mia, chi totus is atzionis de Gesugristu candu fiat bivendu in custa
terra, pustis de sa glória de Deus Eternu Babbu suu, teniant po motivu s’amori chi
teniat po tui in su Coru suu.
Considera infati, ànima mia is vàrius passus de sa vida mortali de Gesús, e dh’as
a osservai nàsciri in d-una estrema poberesa, bíviri una vida oscura, acumpangiada
antzis de tantus sudoris trabballus, contradditzionis, persecutzionis e angustias
e mòrriri finalmenti, e ispirai in su truncu de sa gruxi. Ma poita in sa vida, e
in sa morti de Gesús tantis doloris e patimentus? Totu po s’amori tuu, o ànima
mia, mentras po ti biri salva totu iat sunfriu de bonu gustu, de custu solamenti
cuntentu de ti biri eternamenti felitzi, totu versendu fintzas s’última guta de su
sànguini suu.
Aundi aduncas incontrai unu coru chi ti amit cun prus teneresa de su Coru de
Gesús? Unu coru chi iscarésciu de sci e totu si siat sagrificau generosu po s’eterna
felitzidadi tua?
Ma a chini nosàterus fintzas a imoi eus donau s’amori nostru? Nosàterus eus
cunsagrau su coru a creaturas terrenas indignas totus de s’amori nostru, e cun is
fatus eus nau a su Coru de Gesús boxi [?] chi non si boleus po Babbu. Ah! Salvadori
nostru amantíssimu nosàterus plangeus sa tzurpedadi nostra, e in su sagrau
Coru bostu po nosàterus totu teneresa, e amori, proponeus collocai de imoi inantis
is corus nostrus, e dogna speràntzia in totus is netzessidadis chi potzaus tènniri:
eus a bènniri a peis de is altaris bostus a sfogai in bosu totus is sentimentus chi
nosi potzant ocupai su coru; e po corrispòndiri cun prus fidelidadi a is gràtzias, e
a is benefítzius de s’amori bostu nos eus a uniri cun prus frecuéntzia a su Coru
bostu in sa santa Comunioni, chi est su grandu Sacramentu, aundi bosu eis collocau
sa richesa de sa caridadi bosta, e aundi bosu eis manifestau a cantu potzat
arribbai s’amori de Deus po is óminis.
S’arresit unu Babbu nostru, e S. G. P.
Coru amanti de Gesús
Fei chi bos ami sèmpiri prus.
Si domandit sa gràtzia.
Oratzioni
Gesús Salvadori, e Deus nostru, nosàterus bosi pregaus po cudhus tratus de amori de
su cali est plenu su coru bostu, chi nosi cuntzedais su chi bosi dimandaus in custa
novena. Bosu conosceis sa debbilesa; bosu bieis sa poberesa de is ànimas nostras;
dignaiosí de nosi cuntzèdiri cudha virtudi chi nos at a èssiri necessària po plàxiri a
Bosu. Dignaiosí de apèrriri in favori nostru su Coru bostu divinu esemplari de dogna
perfetzioni, e fonti perenni de dogna bèni, po chi is gràtzias chi nd’eus a acuistai
fatzant de nosàterus tantus verus e perfetus cristianus. Aici siat.
Oremus
[...] 805