Is Pregadorias antigas: su signo de sa devozioni - Provincia del ...

84
13) O Mama clementi e pia
in custa cungregatzioni
presta biva atentzioni
a tanti pregadoria:
de dogna ànima afligia
ascurtandi su cramori! Rit.
14) O benéfica Aurora
de s’aflitu cristianu
e de su géneru umanu
essendu sa protetora
po nosu agiudu implora
de s’Eternu Criadori! Rit.
Po candu tronat e lampat 91
De is frutus de sa terra
su cristianu si campat
in su Celu dhoi est guerra
su cristianu campat
de is frutus de sa terra.
Santa Bàrbara e Santu Giacu.
In nòmini de su Babbu e de su Fillu
e de s’Ispíritu Santu. Aici siat.
Po sanai sa lantza de is ogus 92
Is bachixedhas de Santa Luxia
currendu andànt
currendu torrànt
terra a is corrus dhi ghetànt
cumenti dhi andàt sa terra de is corrus
aici si nci andit sa lantza de is ogus.
(si recita il credo 3 volte)
Pregadoria 93
In nòmini de su Babbu, de su Fillu e de
s’Ispíritu Santu
Bos adoru
IS PREGADORIAS ANTIGAS - SU SIGNU DE SA DEVOTZIONI
(a su mengianu)
Dèu s’adoru Deus miu e si amu cun totu
su coru miu.
Si ringràtziu de m’ai creau, fatu cristianu
e cunservau in custa noti. Bosi ofèrgiu
totus is atzionis mias, e si pregu chi mi
fatzais sa Gràtzia de non si ofendi mai
prus e po cussu de passai sa dí de oi sentza
de pecai. Aici siat
(po sa noti)
Dèu s’adoru Deus miu e si amu cun totu
su coru.
Si ringràtziu de m’ai creau, fatu cristianu
e cunservau in custa dí. Cunservaimí, si
pregu, in custa noti sentza pecau e libberaimí
de dogna Mabi.
Pregadoria 94
In sa porta de Bellei
dhoi at milli cravàrius
una fémina cristiana,
una fémina de bèni
cun is discípulus suus:
Bistu Dh’eis a Gesús?
Dh’apu bistu innòi passau,
su mucadori Dhi apu giau
po s’istrexi su sudori
ca fiat meda sudau.
Andemus andemus
iscravau Dh’agatemus
sa corona de ispinas Dhi liemus
sa de òru Dhi pongemus.
A chi at a nai custa preghiera tres bortas
a mengianu ndi dh’at a campai de ógnia
puntu malu.
A chi dh’at a nai tres bortas a merí mai
penas de Inferru no at a bí, a chi dh’at a
nai tres bortas a su noti ndi dh’at a campai
de mala morti, a chi dh’at a intendi e
non nci at a imprendi [?], a chi dh’at a
iscí e non dh’at a nai, contus Deus sa dí
de su Giudítziu ndi dhi at a liai.