Is Pregadorias antigas: su signo de sa devozioni - Provincia del ...

370
Angioni de Deus, cancella is pecaus,
paxi, o Signori, a nosu donasí,
ascurta is preghieras candu suplicaus,
usa piedadi in sa tremenda dí
lassendudí bí in su Paradisu
cun bellu sorrisu impari cun Maria,
bèni e tribbullia siat ultimada,
sa vida cambiada serbat po gosai.
Maria, Regina de sa solidadi 448
Maria, Regina de sa Solidadi,
cun sa Bosta umilidadi
si fatzais cumpangia,
Nostra Signora mia de sa ghia
ca nosu no seus po serbiri a Deus
ita fillus malus nosu chi seus
e ca Deus in Cruxi fissau
de ispinas Dh’eus coronau
coronau Dh’iant is Giudeus
e candu de s’ortu ndi Dh’iant bogau
Dhi donànt atzapuladas
arruiat a faci in terra
che is sodraus in gherra
Dhi sonanta sa trumbita
sa Mama sua fuit in circa
totu sa noti circhendi
suspiru e suspirendi
suspiru de su coru.
Biu m’eis custu Tesoru?
Biu m’eis a fillu miu?
Nerit, Signora mia, ita bisura portada?
Issu fuit cavalieri de ispada
gurrei e imperadori.
Innòi gei unu ndi at passau
de is giudeus malatratau
chi luxiat prus de su soli.
Issu fuit Fillu miu Criadori
Issu fuit Fillu miu Deus
a bociri Dhu portenti
de bistiri Dh’ispollenti
a sa colunna acapiau
fiat s’ora de Dh’aciotai.
IS PREGADORIAS ANTIGAS - SU SIGNU DE SA DEVOTZIONI
Istella crara luminosa
sentza Dhi biri piedadi.
Maria Regina de sa Solidadi.
Nostra Signora de Ítria 449
Nostra Signora de Ítria mia
candu seu cun Bosu gei tèngiu allegria
candu seu cun Bosu gei seu prexada
de àngelus seis ingiriada
de àngelus e serafinus
ammostaimí bonus camminus
bonus camminus de undi passai
e s’ànima mia a chi dh’apu a donai
dha donu a Gesús e Giusepi e Maria,
Nostra Signora de Ítria mia.
Nostra Signora de su cramu 450
Nostra Signora mia de su Cramu
cun totu su coru miu si amu,
cun totu su coru miu s’istimu
s’ànima mia a Bosu dha confirmu
po chi mi doneis paxi e riposu,
s’ànima mia dha confirmu a Bosu.
Pregadoria 451
Santa Maria, Mamma de Deus,
pregai po nosàterus is pecadoris
in s’ora de sa morti nostra. Amen Gesús.
Pregadoria 452
Candu s’incamminat cudha Maddalena
e totus is Santus si ponint in bia
e aundi bandat Nostra Signora mia?
Dèu seu andendi a circai a Fillu miu.
E ca Fillu bostu est in monti in monti.
Una gruxi de òru portais in fronti,