Is Pregadorias antigas: su signo de sa devozioni - Provincia del ...

Comune di Samassi
De Gesús sa casta isposa.
Tui rimédia dogna mali...
In su bagnu prus bollenti
Benis pusti isprofundada
Ma de Deus ses cunfortada
Cun miràculu evidenti,
De diadema riluxenti
Coronada vitoriosa.
Tui rimédia dogna mali...
S’ímpiu Olíbriu cun furori
Ti cundennat a s’ispada
E de Malcu degollada
Ses de is annus in su flori
E a su celu totu splendori
Bolas màrtiri diciosa.
Tui rimédia dogna mali...
Protetora ispeciali
De pipias e pipius
Siant mudus o afligius
De infirmidadi mortali
In tui incontrant a su mali
Sa mexina sanidosa.
Tui rimédia dogna mali...
O piedosa protetora
De piticus e de mannus
In perígulus e afannus
Acurri consoladora
Assisteinosí in cudh’ora
De s’agonia penosa.
Tui rimédia dogna mali...
Sa distinta protetzioni
Po Samassi tui manteni,
Dogna gràtzia e dogna bèni
Cuntzedidhi a profusioni
Sa costanti devotzioni
Cumpensadhi generosa.
Tui rimédia dogna mali...
251
Gòcius de Santu Geminianu Màrtiri 357
Cavalieri Romanu,
Grandu màrtiri de valori,
Síasta nostru protetori,
Gloriosu Geminianu.
De famíglia romana
Patrítzia illustri genti
Nascis e ses credenti
De religioni pagana,
Non conoscis sa Cristiana,
De Gesús fist lontanu.
Síasta nostru...
Prim’e sa cunversioni
Rinnegas is beridadis;
De is falsas divinidadis
Amas sa religioni,
E po cussu afetzioni
T’at tentu Diocletzianu.
Síasta nostru...
Lompit s’ora destinada
De lassai s’eresia
Candu bistu as a Luxia
De tirannus flagellada
Di Eutrópiu acusada,
Fillu ingratu disumanu.
Síasta nostru...
Custa bella cunversioni
Ti procurat vigoria
Ti declaras cun Luxia
In sa vera Religioni,
Si cundannant a presoni
Mamertinu suterranu.
Síasta nostru...
In visioni as tentu sorti
De biri su Celu obertu
E Gesús ti benit certu
In sa fidi tanti forti