Is Pregadorias antigas: su signo de sa devozioni - Provincia del ...

418
de celu in sa terra benis collocada,
ses trapiantada, rosa de amori,
de su Creadori in giardinu serrau,
sa vida as passau, istella rifulgenti,
a totu sa genti luxi po donai.
2° A totu sa genti po donai luxi
dhu narat su nòmini tú pretziosu,
benedita s’ora chi t’at fatu gruxi
su sacru ministru, su celesti isposu,
frutu pretziosu chi a mamma as rivestiu,
chi a babbu as cunvertiu a sa religioni
e cun passioni t’istimànt e tanti
ma tui prus amanti ti das a mostrai.
3° Ti das a mostrai prus amanti tzertu
ca sa vera istima benit de sa fidi,
solu po Gesusu su coru as obertu,
soltanti po Deus sa buca t’arridi,
dognunu dhu scidi, totus dhu nanta,
ca ses una santa de sendi pitica,
ses nàscia rica de gràtzia divina,
perla pellegrina de ti castiai.
4° Perla pellegrina, raru diamanti,
rubbinu perfetu, perla orientali,
de divinu amori totu ispasimanti
non tenis cumpàngia, no nc’est s’uguali,
flori naturali ch’incantas sa vista,
bella concuista de s’Onnipotenti,
est cunvenienti chi neri su vantu
de chini unu spantu sola at a formai.
5° Sola as a formai s’ammiratzioni
ca santus in terra medas no nci nd’adi,
giustu a úndixi annus sa professioni
promitis a Deus de Verginidadi,
sa mellus edadi, sa prus pretziosa,
dha passas gustosa totu in patimentu,
únicu cuntentu bramas de sufriri
opuru a ti biri sempri a pregai.
6° Opuru a ti biri sempri preghendi,
bellu serafinu de su paradisu,
mentras chi su babbu no nc’istàt pentzendi
IS PREGADORIAS ANTIGAS - SU SIGNU DE SA DEVOTZIONI
sa gherra intimai si bit improvisu,
càmbiat s’arrisu, su coru t’isvelat,
su fronti ti velat dolorosa nui,
pentzendi cun tui solu si confortat
e a Roma ti portat sa paxi po fai.
7° A Roma ti portat, columba de òru,
Diocletzianu ti mirat malignu;
po fai sa paxi pretendit tesoru
e bolit chi tui dhi dongas carignu
tzertu fiat indignu de ti tenni isposa.
S’idea orrorosa a tui si presentat,
su babbu ti tentat, sa mamma ti pregat,
ma su coru negat de dhu soddisfai.
8° Su coru ti negat, non tenis paura,
sa pàtria mia naras est su celu.
At a èssiri sa prova terríbbili e dura
ma po custa terra non tengu regelu,
m’importat su zelu de su cristianu.
At a èssiri vanu digna dolori
e po chi s’amori siat penetranti
non at èssi bastanti po mi cambiai.
9° Nemmancu s’amori de èssi dannosu
ca s’ànima tua a Gesús est ligada,
Diocletzianu benit furiosu
candu sa proposta non bit atzetada,
antzi dispretzada cun coru seguru
ca un’amori impuru fiat chi dhu moviat
E chi dhu spingiat brutali nimigu
tanti bellu isprigu a bolli calpestai.
10° Bolli calpestai sa prerogativa
de is pagus chi sighint su celesti angioni,
in s’imperadori sa fiamma prus viva
s’intzendit de tali bruta passioni,
de afetzioni ti mostrat segnalis,
promissas regalis ti fiat e donus,
ma non funti bonus, balint nienti,
ca est firma sa menti a Deus po zai.
11° Est firma sa menti, su coru non timit,
de custu momentu cumentzendi is penas,
Diocletzianu s’ira non reprimit