Is Pregadorias antigas: su signo de sa devozioni - Provincia del ...

Comune di Serrenti
funt is tabas de Mosei, candu Gesugristu at camminau a pei in su campu de Gerusalemmi,
in nòmini de su Babbu, de su Fillu e de s’Ispíritu Santu.
12) Si tui ses Martinu, de paràulas bonas narammí it’est doxi.
Doxi funt is doxi apòstolus, úndixi funt is undiximila vírginis, dexi funt is dexi cumandamentus,
noi funt is noi paramentus, otu funt is otu corus, seti funt is seti donus,
ses funt is ses cereus, cincu funt is cincu liagas, cuatru funt is cuatru evangelistas, tres
funt is tres Marias, duas funt is tabas de Mosei, candu Gesugristu at camminau a pei
in su campu de Gerusalemmi, in nòmini de su Babbu, de su Fillu e de s’Ispíritu Santu.
13) Si tui ses Martinu, de paràulas bonas narammí it’est trexi.
Trexi no est lexi e no est lei! Milla passus fàtzasta fora de mei; a mari ci arruast, a
mari sentza fundu, non ti torrist a bí mai prus in su mundu!
Pregadoria 598
Asuta de cussa cortina
c’est s’óstia cunsagrada,
aici bèni inserrada
po sa poténtzia divina.
Cust’est una mexina
chi curat dogna mali.
O pani ispetziali,
o pani de alimentu!
Siat alabau su Santíssimu Sacramentu!
Pregadoria 599
Sa camisa mia mi bistu
in nòmini de Gesugristu
in nòmini de Santu Giuanni
s’aremigu mai m’ingannit
ne a denoti ne a dedí.
Deus mi campit de mala morti
de mala morti subbitana
e de àcua de funtana
e de àcua de arriu
misericórdia Deus miu.
Pregadoria 600
Deu mi crocu po mi dromí
custas tres cosas chi depu arricí
425
sa Cunfessioni, sa Comunioni e
s’Ollusantu.
In nòmini de su Babbu, de su Fillu e
de s’Ispíritu Santu. Amen Gesús
Pregadoria 601
Deu mi crocu in custu letu
cun d-un’àngelu perfetu
cun d-un’àngelu cantendi
Gesugristu est predichendi
cun sa luna e cun su soli
e biatu Sarbadori e biatu Serafini
Mama de su Bonu Caminu
s’incaminit a deretu
alabau e arringratziau a dogna momentu.
Pregadoria 602
Dèu mi nc’intru in d-una sepoltura
e de terra mi crobexu
e s’ànima mia a Deus ofrexu
a Deus e prus de totu
a Deus dh’arrecumandu
e a sa Vérgini Maria
chi siat in cumpangia
a s’ora de sa morti nosta. Aici siat.