Is Pregadorias antigas: su signo de sa devozioni - Provincia del ...

588
Acuasanta 818
Acuasanta benedita
ti portu in fronti iscrita
e a su petus addossada,
acuasanta cunsacrada!
Andendi a crésia 819
Dèu bandu e mi cunfirmu
ca cumentzu primu primu
su camminu de sa cresia.
Non bandu cun fantasia
ma cun fidi e pentzamentu,
saludeus a Gesús in su Sacramentu!
Andhamus e andhemus 820
In su portu de Bellai
dhui at tremila cravàrius
Una fémmia de continenti,
una fémmia cristiana,
Nostra Signora fut passada
cun is Santus Apòstulus sus.
“Biu m’eis amau Gesús?
Biu m’eis a Deus amau?”
“Immoi est passau
su mantu de conca
ndi dh’eus tirau
po ndi dh’istrexi su santu sudori,
ca Issu fiat meda sudau”
Andhamus e andhemus
in cravàriu dh’incontremus
cun sa corona de ispinas.
E chi narat custu tres bias
un’ànima de pena ndi at a bogai,
e chi dh’at a iscí e no dh’at a nai,
IS PREGADORIAS ANTIGAS - SU SIGNU DE SA DEVOTZIONI
VILLAMAR
chi dh’at a intendi e no dhu bolit imparai,
sa dí de su giudítziu
Deus
contus ndi dhi at a contai.
Àngelu guardiadori 821
Ses mandau de s’Arredentori
Po agodrai s’ànima mia
Chi mi fatzas cumpangia,
Una vera atentzioni,
Libberamindi de sa tentatzioni
E de s’aramigu infernali,
libberamindi de dógnia mali
a cust’ànima dolenti.
Chi mi tènganta presenti
Is portas de su celu,
Santu Cunzaga Luisu,
Santu Bissenti guerrieru,
Santu Efísiu guerrieru
Si tengant a su fiancu.
No fatzaus a mancu
De custa preghiera,
Santa Rosa e Santa Vera
E Maria Maddalena.
Ave Maria Serena 822
Ave Maria Serena
chi ses de gràtzias rica,
de gràtzias infinitas
de sa corti soberana;
Maria chi a totus dades
gràtzias e bonus favores
me is giojas e me is dolores
sempri cun nosu siast.