Is Pregadorias antigas: su signo de sa devozioni - Provincia del ...

Comune di Villanovafranca
cun risplendori de ispantu,
boit s’Ispagna totu cantu
tènniri immortali onori.
Rit. Raju de divinu amori…
Sa dignidadi sacrada
de levita sacrosantu
fait cumprendi su vantu
de una vida immaculada,
innocéntzia celebrada
e sapiéntzia de primori.
Rit. Raju de divinu amori…
Camminendu Sistu santu
a su martíriu penosu,
tui discípulu virtuosu
chi sighis infatu in prantu
reclamendu “O Babbu santu,
non mi lessis cun dolori”.
Rit. Raju de divinu amori…
In s’incontru agonizanti
de Gesús, is dus amantis
si cunfirmant costanti
cun votu firmu incessanti,
Sistu morit ainantis
e Larentzu posteriori.
Rit. Raju de divinu amori…
Cintu de duras cadenas
ses, Larentzu, impresonau,
ses fertu, sacrificau,
s’arrogant artis e venas,
de unu mari de penas
ses balenti bincidori.
Rit. Raju de divinu amori…
Déciu Cèsari ambitziosu
t’insultat po su tesoru,
cun immortali decoru
dhu cunservas coidadosu,
a su giustu bisongiosu
dhu dispensas cun amori.
Rit. Raju de divinu amori…
T’insultat Valerianu,
ti ammaletzat fortementi,
ti maltratat aspramenti
cun modu totu inumanu,
tenis àngelus a manu
chi t’aumentant su valori.
Rit. Raju de divinu amori…
Sunfris làminas ardentis,
aciocus e iscorpionis,
villanias, aflitzionis,
doloris is prus veementis,
medas romanus presentis
ti prangiant cun clamori.
Rit. Raju de divinu amori…
Un’incéndiu e mannu fogu
in d-una cadriga ardenti
cun altu amori potenti
dispretzas cun burlas e giogus,
po Larentzu est diciosu
custu letu de abbruxori.
Rit. Raju de divinu amori…
In is flammas abbruxendi
naras a Valerianu
“Fúrria e papa o inumanu
sa parti chi est arrostendi”,
felici ses rinascendi,
moris po divinu amori.
Rit. Raju de divinu amori…
Una boxi de su celu
t’annúntziat dópiu trumentu,
tui gustosu e cuntentu
prédicas cun prusu zelu
e ti cumparit sine velu
s’àngelu cunfortadori.
Rit. Raju de divinu amori…
Is itzurpus naturalis
illuminat cun sa cruxi,
rimédiu de eterna luxi
635