Is Pregadorias antigas: su signo de sa devozioni - Provincia del ...

144
IS PREGADORIAS ANTIGAS - SU SIGNU DE SA DEVOTZIONI
fatu de sèi, in calidadi de fillu, in onori de cudha sovranidadi, chi issu s’at comunicau
asuba de totus is creaturas. O mamma, nosu nosi creeus fillus bostus mancai indignus de
custu nòmini tantu bellu! Fei chi totus siaus inscritus in númeru de is verus fillus bostus.
Pater, tre Ave e Gloria
Sesta dí
Essendu istétia Maria preordinada de s’eternidadi e elígia in mamma de su fillu de
Deus incarnau, depiat po necessària connessioni de mistériu, èssiri d’eternidadi elígia e
preordinada, ancora in isposa de s’Ispíritu Santu. E in beridadi, sigomenti non po àteru
fiat decretau in su divinu consillu su mistériu de sa divina maternidadi de Maria si non
chi, po cumpliri su mistériu, de su prus isviscerau amori de Deus asuba de is óminis, est
riusciri s’incarnatzioni de su verbu; e sigomenti is òperas de bundadi e de amori sunt
próprias de s’Ispíritu Santu chi est s’amori personali de su Babbu, e de su Fillu; aici
cumbeniat chi Maria, mamma de su Fillu, fessit súbbitu isposa de s’Ispíritu Santu.
Allargu, o católicus, dogna pentzamentu profanu. Custa celesti unioni no est coment’e
s’isposalítziu de is óminis, ma est una santíssima altíssima unioni. Benei adduncas
pentzamentus santus e sublimis, chi de su celu abbasciais; benei a nos ispiegai custu
incomparàbbili mistériu. S’Ispíritu Santu si fait isposu de Maria, ma custu divinu isposalítziu
non est coment’e nemmancu is àteras unionis interioris, chi su própriu Ispíritu
cuntrait cun totus is ànimas bonas. Sunt, est beru, custas unionis, totus puras e santas;
ma nienti tenit de biri cun sa sovrana dignidadi de s’unioni chi issu cuntrait cun Maria!
Is primas sunt po ndi pigai sa corrutzioni e s’abbróbbriu de su pecau, po santificai a
dognunu de issus, custas però a prodúsiri su santu de is santus, chi format totus is
eletus. Cudhus sunt isposalítzius de misericórdia, po sa cali s’Ispíritu Santu càmbiat in
favori de is ànimas eletas, s’ódiu in amori: custus sunt isposalítzius de eterna cumplaxéntzia,
non mai turbada de umbra de còllera, de ódiu, de timori. Cudhas in d-una
paràula non faint che fai is ànimas eletas, amigas is prus fielis, chi serbint a su cortégiu
de s’isposu. Ma custas faint a Maria fémina perfeta, única columba, sovrana Signora de
totus is àteras isposas. Aici dhu declarat s’Ispíritu Santu in custus sermonis:
Adulescentularum non est numerus; una est columba mea, et perfecta mea.(Cant. 6. 72)
Ita est duncas s’isposalítziu de s’Ispíritu Santu cun Maria? Issu est s’altíssimu mistériu.
Mancant is paràulas, po ndi fuedhai de prus. Is pentzamentus prus sublimis si
firmant e àturu non aturat che adorai in siléntziu sa grandu òpera.
Pater, tre Ave e Gloria
Cantzoni [sic! Depit èssiri Oratzioni] a s’Ispíritu Santu
O Eternu divinu Ispíritu! Chini podit mai cumprèndiri is íntimas comunicatzionis tra
bosu e sa predileta isposa bosta Maria? Chini cumprèndiri cun cali misteriosa impatzientza
aspetastis s’isposa bosta, innantis de èssiri suu; cun calis castiadas de amori,
non dha osservastis, innantis de su cumpàrriri. Maravíglias sunt custas chi su mundu
non podit connòsciri, chi s’inferru non podit cumprèndiri, poita bosu, o divinu Ispíritu,
gelosu de s’onori de sa predileta isposa bosta, e de s’onori bostu, istetis protegendu
e ocultendu cudhu primu beatíssimu instanti cun d-unu misteriosu velu de luxi, e