Is Pregadorias antigas: su signo de sa devozioni - Provincia del ...

Comune di Sanluri
Virgo Fidelis costanti a Gesús
finas chi fut mortu e resuscitau
e fin’a s’edadi de setanta dus
Maria fideli a su mundu at amau
finas chi arribbau fut cudhu momentu
de s’innaltzamentu de terra a su celu
cun decoru bellu po s’umanu géneru
totu amori téneru at dépiu mostrai.
Maria est ancora Isprigu de Giustítzia
po cudha giustesa chi sèmpiri at usau,
Isprigu chi non portat mància po perítzia
dh’at po sa giustesa s’Àngiulu pesau
e nd’at disputau dogna eresia,
Isprigu che Maria non ci nd’at puliu,
de manus essiu de s’Onnipotenti,
craru e rilucenti po abballiai.
Sedes Sapientiae po is sapientis,
de Maria píganta parri po apógiu
óminis dotus, fémminas valentis,
totus dh’ant fatu sacrosantu elógiu
chini rivólgiu s’est giustu a Maria
sighiu at sa ghia de sa sapiéntzia,
custa providéntzia benit de su celu
su si sapi est bellu po cunsiderai.
Maria est sa càusa de nostra Delítzia
e de cudhas pòbaras ànimas purgantis,
difensora insoru, prudenti e propítzia,
candu dha binti funti contzolantis,
is sufràgius tantis de sa genti bia
aprétzia Maria e última is penas,
is culpas terrenas funti perdonadas,
benint innaltzadas in celu po gosai.
Vas Spirituali ses Tui, Maria,
po s’Altu Celesti Flori preparau,
po Trinidadi totu simpatia
de su Santu Ispíritu templu cunsacrau,
aundi dimorau fut po mesis noi
su Divinu Eroi totu po miràculu,
Veru Tabbernàculu de s’Onnipotenti,
Gesús solamenti nc’est pótziu istai.
367
Vas Onorabile prena de onoris,
dh’onorant is àngelus cun s’incentzeri,
dh’onorant reis e imperadoris,
dh’onorant in dogna bonu mestieri,
cantat s’Alighieri cun altrus poetas,
de manus architetas témpius famosus,
puru ingeniosus iscultoris, pitoris,
onori iscritoris a Maria donai.
Vas in signali de Devotzioni
a sus de unu càlixi dipinta est Maria
cun Gesús Bambinu in dimostratzioni,
parit chi si bramit sa pregadoria,
sentz’e fantasia cun umilidadi
de s’umanidadi bollit preghieras,
dha pregheus deveras cun cultu cristianu
ca tenit ampramanu de si contzolai.
Rosa Mistica de Géricu Rosa
de sa primavera de is froris Regina,
tramandat profumu frisca e odorosa,
meravíglia in folla po frori e po ispina,
de manu divina dirigida pranta,
de is froris acanta est superiora,
brillat che aurora in s’ortu celesti,
biadu a chi dhu est po dha cuntemplai.
Turris Davidica duràbbili forti,
Maria si mostrat sétzia in s’altura,
penúltimu ramu nàsciu po sorti
de istirpe reali nóbbili figura,
eterna, sigura, firma, incrollàbbili,
fundamentu istàbbili s’Eternu Fatori
dh’at fatu po onori prus de sa Babeli,
gioja de Israeli su si presentai.
Turris Eburnea s’Altari est princípiu
po is olocàustus de su sacrifítziu
aundi is Patriarcas oferri ant iscípiu
su fogu, sa vítima, s’incentzu propítziu,
po su benefítziu connotu de Deus
chi nosu ofereus dogna primítzia,
s’Altari ‘e Maria po arricí is ofertas
chi a Gesusu certas podit integrai.