Is Pregadorias antigas: su signo de sa devozioni - Provincia del ...

388
Sa boxi gloriosa
De angélicu cantu
Siat glória a Deus Santu,
Siat làudi copiosa,
Intonat festosa
Cun suavi armonia.
Dormi ecc…
E a s’ómini ancora
De coru sintzillu
Siat paxi e cuntzillu
In custa dimora,
Alternat sonora
Durtzi melodia.
Dormi ecc…
Is milli Innocentis,
Puríssimus floris,
Is primus onoris
Ti donant gementis,
Prim’óstias ferventis
Su sànguini intzoru.
Dormi ecc…
Tra is fàscias penanti
Ti biu circuncisu,
De sànguini intrisu;
Su nòmini amanti
De Gesús intanti
Postu ti beniat.
Dormi ecc…
A is reis de Orienti
Su vivu bagliori,
Su raru candori
De istella isplendenti,
De luxi fulgenti,
Dhi mostrat sa bia.
Dormi ecc…
De is regnus lontanus,
Cun pompa regali,
De fidi in signali,
Is donus arcanus
IS PREGADORIAS ANTIGAS - SU SIGNU DE SA DEVOTZIONI
Dh’ofrescint in manus,
Mirra, incensu e òru.
Dormi ecc…
Dormi, Redentori,
Téneru Bambinu
Dormi, Gesulinu,
Eternu Signori,
Dormi, Salvadori,
Durtzi vida mia.
Dormi ecc…
Prédica a s’acabbada de sa Missa 480
O Maria, costituida
ses saludi de is mortalis,
bosu s’ànima pentida
salvai de tantis malis,
in is àcuas celestialis
rendeidha gloriosa.
Pregadoria innantis de si dormiri 481
Deo mi croco in custu letu
Cuatru Àngelus mi aspetant
Dus a peis e dus a conca
Su Santíssimu Sacramentu in mesu in mesu.
In nome de su Babbu, de su Fillu e de
s’Ispíritu Santu.
Pregadoria 482
Maria, frori ‘e lillu,
sa mamma cun su fillu
su mundu at riscatau
po unu solu pecau
chi Adamu at fatu in s’ortu;
candu Gesús est mortu
in sa gruxi incravau
eus dimandau perdonu
e perdonu de coru
a s’amàbbili Gesús,