Is Pregadorias antigas: su signo de sa devozioni - Provincia del ...

268
IS PREGADORIAS ANTIGAS - SU SIGNU DE SA DEVOTZIONI
po sufràgiu de is Ànimas Santas de su Purgatóriu, is calis agonizendu in d-unu dilúviu
de penas aspetant chi po sa misericórdia bosta si serenit tanti terríbbili tempestadi
po ndi bessiri de s’orrorosu presoni aundi sunt inserradas, e bolai a s’eterna
felitzidadi, arriceidhas Segnori in sa santa glória bosta, particularmenti cudhas de is
benefatoris e amigus, e cudhas po chini seus obbligaus a pregai, po chi in issa bos
alabint eternamenti. Aici siat.
Tertza dí
O amantíssimu Gesús miu chi intre totus is penas de sa dolorosa passioni bosta,
sa chi prus cruelmenti iat traspassau sa Santíssima Ànima bosta fiat su bos ai
abbandonau is prus amaus Apòstolus e Discípulus, is calis po èssiri istaus tanti
tempus in cumpangia bosta, e in s’iscola bosta, bèni isciant sa vida, sa dotrina e is
miràculus bostus: epuru de issus unu bos iat béndiu, un’àteru bos iat negau e
totus bos iant desamparau, antzis a tanti fiat arribbau custu desamparu fintzas a
bosi biri abbandonau de s’Eternu Babbu, obblighendurusí cussu dolori a bosi
chesciai cun cudhas amorosas paràulas: Deus miu, Deus miu poita m’eis abbandonau?
Bos ofèrgiu abbandonau Redentori miu custa grandu pena in sufràgiu de
is Ànimas Santas de su Purgatóriu, chi cruelmenti abbandonadas de parentis e
amigus, sentza profitu clamant implorendu cumpassioni cun cudhas lastimosas
boxis de su patzientíssimu Giobe miseremini me in s’altera vos amici mei. Poita
totu cudhus chi in vida fiant unius cun issas cun vínculus de parentela e amicítzia
dhas ant olvidadas e abbandonadas, amparaidhas bosu chi seis su prus fieli amigu
e isposu dultzíssimu, arriceidhas in sa santa glória bosta, particularmenti cudhas
chi sunt prus abbandonadas e cudhas po chini seus prus obbligaus a pregai, poita
chi inní bos alabint po totus is séculus. Aici siat.
Cuarta dí
O amantíssimu Segnori miu Gesugristu, chi apustis de bos ai ispollau a vista de
innumeràbbili genti cun grandu confusioni de s’onestadi bosta in su pàtiu de Pilatus,
chini bos iat inicuamenti intregau a sa voluntadi de is Giudeus bos iant
acapiau comenti vili iscrau a una dura colunna, sa cali a nai de Santa Brígida,
estis amorosamenti abbratzau po donai a intèndiri sa caridadi sorprendenti, cun
sa cali bos esponestis a sunfriri unu dilúviu de aciotus, chi sentza misura iscarrigaus
si fiant asuba su Corpus bostu sacratíssimu. Bos ofèrgiu su valori infinitu de
cussu sànguni derramau e de sa invincíbbili passiéntzia, cun sa cali estis tollerau
sa bregúngia de biri desnudau su Corpus bostu virginali. Cali ignomínia sentiu
estis incomparabbilmenti prus de s’atrotzedadi de is aciotus in sufràgiu de is
ànimas santas de su Purgatóriu, aundi sunt tanti aspramenti turmentadas: cumpassionaioisí
de is penas insoru, isciollei is cadenas e siat po issas sa colunna
bosta símili a cudha chi ghiau iat su pópulu ebreu a sa terra de promissioni, poita
chi ndi essant de cuss’Egitu de afannus e arribbint a sa fortunada Pàtria de is
felitzidadis eternas, arriceidhas Segnori in sa santa glória bosta, spetzialmenti