Is Pregadorias antigas: su signo de sa devozioni - Provincia del ...

Comune di Villacidro (Bidhaxidru)
Pellegrinu ’e s’ocidenti,
giovunedhu Stanislau,
s’incontrat abbandonau
in mesu a infami genti,
curris tui prontamenti
de s’óstia dispensadora.
Bàrbara teneus s’onori…
Divotus chi si prostraus
a cust’altari sagrau
su tempus infuriau
chi si calmit Ti suplicaus
e goseus arriparaus
de lampus e tronus ancora.
Bàrbara, teneus s’onori...
Sa bidha nosta famada
po frutus e pellegrinus
po isplendori de giardinus
est ermosura incantada:
cun sa dèstera sublimada
benedixi e difendi ognora.
Bàrbara, teneus s’onori...
Devotu setenàriu in onori de Nostra Segnora Santíssima de is seti doloris 769
Averténtzias a is devotus de custu Mistériu
Ordinariamenti si solit cumentzai custu Santu Esercítziu su sàbudu precedenti a sa
Dominga de Passioni, po dhu terminai sa Cenàbara sighenti, in sa cuali dí cèlebrat sa
Crésia sa Festa de Nostra Segnora de is Seti Doloris.
In sa primu, o última, o in alguna de custas seti diis depint is devotus de custu Santu
Mistériu confessai e comunigai cun particulari aparíciu e devotzioni: e iscurtada sa
Missa dógnia dii, esercitai alguna de is òperas de Misericórdia a benefítziu de su
Próssimu in memória de cudhus penetrantis Doloris, chi custa Suberana Segnora
patesit, e ofergesit a Deus po is Ànimas nostas.
Su modu, e mètodu de custu Setenàriu consistit in acudiri devotamenti a Crésia is
Devotus, e avivendu sa Fidi de sa Divina Preséntzia, Immàgini de Nostra Segnora
ecitaisí a unu fervorosu atu de Contritzioni, e luegu proponirisí a meditai unu de
cudhus Seti Doloris, is cualis si distribbuint unu po dógnia dii de Setenàriu e si acabbat
sa Meditatzioni cun d-unu Pater noster, seti Ave Maria, e unu Gloria Patri etc.
Sighit a cust’arresu un’oratzioni cotidiana a Maria Santíssima, preghenduridha umilmenti
po alcantzai sa Gràtzia, chi dognunu disígiat in particulari. Mentras chi si dimandat
sa Gràtzia in su Coru, si cantant algunas coplas de s’Innu Stabat Mater Dolorosa
cun su versículu, e oratzioni própria de su Mistériu.
Atu de Contritzioni po dogna dí
Segnori miu Gesugristu, crucificau, Redentori miu, Deus, e ómini verdaderu asuba
totu Bonidadi amabbilíssimu, m’arrepentu e cun totu su Coru miu detestu is Pecaus
mius, po àiri oféndiu cun issus sa infinita bonidadi, santidadi, e magestadi bosta.
Propongu firmamenti, assistiu e cunfiau in sa Divina Gràtzia Bosta de mai prus pecai, e
apartaimí de totus is ocasionis de ofendiriosí. Acetai, segnori, custa giusta Pena, e amargura,
chi sentu in su Coru miu, e chi contritu, e umiliau bosi presentu, po chi dh’avalo-
523