Is Pregadorias antigas: su signo de sa devozioni - Provincia del ...

240
IS PREGADORIAS ANTIGAS - SU SIGNU DE SA DEVOTZIONI
dúsiri de is castíssimas intragnas Bostas su Santu de is Santus, Bosi collocat asuba de
totus is Corus de is Àngiulus, poita chi Bosu depeis prodúsiri su Rei e Segnori de is
Àngiulus. Bosi esaltat asuba de sa Terra e de su Celu, de su mundu visíbbili e de su
invisíbbili, poita chi Bosu depeis prodúsiri su supremu Pontífitzi po mesu de su cali
is Àngiulus e is Santus ant a dèpiri laudai e adorai dignamenti s’altíssima Magestadi
de Deus. Bosi elevat fintzas a su sóliu de sa Divinidadi, fintzas a su incumprensíbbili
órdini Teàndricu, poita chi depeis prodúsiri coment’e veru Fillu Bostu su própriu
Fillu de Deus fatu Ómini. Dignidadi totalmenti noa e singulari, chi tenit de s’infinitu;
miràculu de is prus mannus in s’órdini miraculosu de sa gràtzia. Siais alabada, o
Maria, benedita Mama de su Fillu de Deus! Sa Concetzioni Bosta at veramenti portau
allegria e festa a sa Terra e a su Celu, poita chi de Bosu depit bessiri su veru Soli de
Giustítzia Gesugristu, chi depit santificai e sanai sa Terra, chi depit populai e adornai
su Celu. O de su prus bellu Soli bellíssima Aurora, chi non tenit mància ne umbra, ma
totu est puríssimu candori, e claríssima luxi! Siais laudada, o Mamma sa prus afortunada
de totus is Mammas! Beneditu est su frutu de su sinu Bostu Gesús, e po Issu
Bosu seis creada in is beneditzionis. – Ma regordaiosí, o Piedosa, chi po salvai a
nosàterus miseràbbilis Bosu seis istétia elígia a Mamma de su Divinu Salvadori; e chi
essendu Bosu Mamma de custu Capu Divinu seis fata Mamma ancora de is membrus.
Totus nosàterus, membrus ancoraschí indignus de custu Capu adoràbbili, nos assugetaus
a Bosu in calidadi de Mamma de Deus e de Mamma nosta, e a Bosu interamenti
nosi donaus in onori de cudha donatzioni chi su Verbu Eternu Bosi at fatu de sèi etotu
in calidadi de Fillu, e in onori de cudhu soberanu poderi chi Issu Bosi at comunicau
asuba de totus is creaturas in calidadi de Mamma. O mamma! O Mamma! O Piedosa
Mamma nosta! Est cosa meda dultzi a fillus miseràbbilis comenti seus nosàterus, su
repetiri in custu esíliu nòmini tantu caru. Ah! monstrai sèmpiri prus, o Mamma, su
maternu amori Bostu po nosàterus; monstraidhu in sa vida, monstraidhu in s’ora de
sa morti nosta.
Unu Babbu nostu, tres Ave Marias, unu Gloria Patri.
Sesta dí
Maria essendu istada de totu s’eternidadi preordinada e elígia a Mamma de su Fillu
de Deus Incarnau, depiat èssiri ancora po necessària connessioni de mistérius elígia e
preordinada a Isposa de s’Ispíridu Santu. Poita chi no essendu istétiu decretau in is
consillus de Deus su Mistériu de sa Divina Maternidadi de Maria si no po cumpliri su
Mistériu de su prus mannu amori Divinu po is Óminis, e essendu is òperas de bondadi
e de amori próprias de s’Ispíridu Santu chi est s’amori personali de su Babbu e de
su Fillu, ndi beniat sentz’àteru chi Maria Mamma de su Fillu fussit súbbitu Isposa de
s’Ispíridu Santu. Allargu de innòi dógnia pensamentu profanu. Custu isposalítziu
celestiali e Divinu no est comenti su chi faint is Óminis; est una santíssima altíssima
unioni. Benei duncas, o pensamentus santus e sublimis chi abbasciais de su Celu,
benei a nos isplicai custu incomparàbbili mistériu. Ah! s’Ispíridu Santu si fait Isposu
de Maria. Ma custu Divinu isposalítziu no est nemancu comenti is àteras unionis
interioris chi s’Ispíridu Santu contrait cun totus is àteras ànimas eletas. Sunt, est beru,