Is Pregadorias antigas: su signo de sa devozioni - Provincia del ...

326
de tempesta su vapori
est cumbàtiu fieramenti,
e a Sicília tristamenti
est ispintu cun furori.
Antoni...
Pustis de ai inní fundau
grandiosíssimus guventus,
cun favorevolis bentus
a s’Itàlia ses torrau;
in brevi evangelizau
as s’Emília cun amori.
Antoni...
In Pàdova alta dotrina
dispiegas cun energia,
bincis s’infami eresia
de sa seta Patarina,
e a sa lei santa e divina
cunvertis su pecadori.
Antoni...
Ma sa corona immortali
tenis giai preparada,
cun sa vida angelicali,
cun su zelu acuistada,
e in Arcella fortunada
piegas, càndidu Flori.
Antoni...
Ancora in flórida edadi
de solus trinta ses annus,
plenu de méritus mannus
bolas a s’Eternidadi,
consumiu de caridadi,
de peniténtzia e de amori.
Antoni...
Apenas mortu, is pipíus
cun amaríssimu plantu
girant in Pàdova unius,
narendu: Est mortu su Santu!
a talis boxis de plantu
sa tzitadi est in rumori.
Antoni...
IS PREGADORIAS ANTIGAS - SU SIGNU DE SA DEVOTZIONI
Po bí su corpus sagrau
acurrit in d-unu momentu,
e bolit chi a su guventu
de Pàdua siat portau,
ma in Arcella negau
dh’ant in primu su favori.
Antoni...
Pustis cincu dís portau
est a Pàdua su tesoru;
in d-un’urna cun decoru
s’Obispu dh’at collocau;
su pópulu consolau
dhi tribbutat grandu onori.
Antoni...
De gràtzias vera sorgenti
diventat s’urna sagrada;
tochendidha solamenti
sa genti aturat sanada,
a s’istanti libberada
de dogna mali e dolori.
Antoni...
Apenas chi sa corona
de grandu Santu dhi donat
is campanas solas sonant
de Spoleto e de Lisbona,
invitendu ogna persona
a dhi tributai onori.
Antoni...
Unu Témpiu magestosu
oi dh’at Pàdova innaltzau,
aundi est tanti venerau
cussu corpus gloriosu,
aundi acurrit numerosu
su pópulu cun fervori.
Antoni...
De is alturas de sa glória
aundi ses incoronau,
de chini ti at onorau,
Antoni, teni memória,