Is Pregadorias antigas: su signo de sa devozioni - Provincia del ...

Comune di Serrenti
órdinat po tui pesantis cadenas,
cantu Filomenas de celu mandadas
ant a èssiri andadas a cussu disterru.
Is gratas de ferru gentilis tochendi
sèmpiri cantendi po ti consolai.
12° Sempri cantendi cun dulci armonia
trinta seti dis ci ses aturada
candu ti comparit sa mamma Maria
chi Gesús bambinu in su bratzu portada,
“Filla” ti narada “confida in Gesús
tre dis e non prus tenis de inserru
ma apustis s’inferru t’aspetat a morti,
depis èssi forti po dhu superai”.
13° Po dhu superai sufris coragiosa
S’ànimu ndi aturat meravigliau,
cumandat sa vili belva rabbiosa
chi su corpus santu bengat denudau,
pustis flagellau cun modu inumanu
Diocletzianu bàrbaru ti mirat,
de feli suspirat, befendi t’insultat,
custu est chi frutat su rifiutai.
14° Su rifiutai ti est dolori forti,
denoti ti portant in d-unu presoni
de piagas prenas aspetendi sa morti,
ti fíasta posta in cuntemplatzioni
e s’oratzioni vana non aturat
su corpu ti curat celesti unguentu,
miras cun portentu bellu serafinu
e unu cherubbinu po ti risanai.
15° Po ti risanai de su paradisu
calant mandaus de s’eternu Rei,
su ti castiai immoi est un’acisu
c’at fatu bella ......? mercei,
non tenit prus lei s’ímpiu furori,
non balit s’amori, narat, ne is penas,
vanas is cadenas e su tanti sufriri,
duncas dh’ollu biri in s’unda ispirai.
16° Depit èssi s’unda s’últimu disterru
po èssiri soddisfata sa vendeta mia.
A strintu ti ligant àncora de ferru,
419
in s’àcua depis benni sepellia,
vendeta fallia, duru disingannu,
cunfessa o tirannu chi Deus est inguni:
s’ispetzat sa funi, s’àncora iscumparit,
sa santa cumparit prus bella che mai.
17° Prus bella che mai parit Filomena
de dus angiuledhus bèni acumpangiada,
sa buca ridenti sa fronti serena
nemmancu una guta sola dh’at tocada,
meraviliada sa genti ndi aturat,
chini s’impaurat, chini ci rifletit,
ma non si cunvertit Diocletzianu
de prus inumanu si bolit mostrai.
18° Si bolit mostrai nou Faraoni,
cumandat in terra de dha trascinai
sentza sentimentu de cumpassioni,
sa tzitadi intera Roma dh’at a nai,
de dha saetai s’órdini at donau
po chi trapassau su corpus restessit
candu dha miressit de giai isvenada
sa vida inserrada depit acabbai.
19° Depit acabbai ma aturat sintzilla,
s’òpera perversa de s’ómini est vana,
sa vírgini santa dormit trancuilla
e candu s’iscidat s’incontrat che sana
Fortza soberana dhi donat vigori,
fit s’imperadori de prus in delíriu
s’émpiu martíriu bollit si rinnovit,
non dhu cummovit su tanti penai.
20° Su tanti penai dhu indurat de prus,
sa màrtiri bella si ponit arriri,
ancoras immoi nci at a èssi Gesús
po mi cunfortai e po mi custodiri,
est bisóngiu biri prodígiu miràbbili
po chi siat àbbili su saetadori,
non tenit valori de movi sa lantza
e dogna sperantza benit a mancai.
21° Dogna sperantza già istat manchendi
epuru su vili persighit ancora
de dha infogai s’órdini donendi,