Is Pregadorias antigas: su signo de sa devozioni - Provincia del ...

Comune di Furtei
Gesús resuscitau 81
Novas de grandu allirghia
Certu nos ant contau,
Chi su Fillu de Maria
Est veramenti resuscitau.
1) Bessit su mellus Noè
De su dilúviu passau,
Sa columba at incontrau
Aundi firmai su pei,
Bessit su mellus Mosei
Chi a Faraoni at sepultau. Rit.
2) Bessit su mellus Danieli
De is prus ferotzis leonis
Bincendu is intentzionis
De cudha turba infideli:
De sa canàglia crudeli
Giudàica at triunfau. Rit.
3) Sa sepoltura s’est oberta,
Sa perda s’est furriada,
Sa guàrdia s’ispantada:
Custa est cosa tzerta
De Maddalena iscoberta,
Perdu dh’at testificau. Rit.
4) “Resurrexit” elevendu
“Sicut dixit” sa Bandiera
De sa giudàica chimera
Is trofeus riportendu
E dogna mali bincendu
Morti e culpa at sugetau. Rit.
5) Restat s’Inferru tremendu
Su giudeu s’est aturdiu
poita claramenti at biu
A Gesús resuscitendu,
Istait su celu aplaudendu
Custu Misteru Sacrau. Rit.
6) Bessendu de sa balena
Cudhu Giona figurau
Bessendindi glorificau
Sentza dolori e pena
Destruida sa cadena
De s’ómini incadenau. Rit.
Glória a su Babbu 82
Glória a su Babbu
Siat glória a su Babbu e a su Fillu
e a s’Ispíritu Santu
cumenti fiat in su princípiu
immoi e sempri,
in is séculus de is séculus. Aici siat
Invocatzioni a is Santus 83
77
Gesús, Giusepi e Maria
benedixei sa domu mia.
Santu Giuanni ca m’est padrinu
mi castit in su bonu caminu.
Santa Rita e Sant’Antoni
mi difendant de sa tentatzioni.
Sant’Antiogu e Sant’Obrai
de Gesús m’acatzint su pedronu
fatu de dogna pecau.
Imploraus a Santu Sidoru
chi si potzat donai unu cocòi
totu fatu a pitzu de òru.
Po su mali de gúturu si potzat sanai
pregheus sempri a Santu Obrai.
Protetora de dogna sartina est Santa
Caterina.
Salvaimí puru de dannu dogna Maistu
Mannu.
Is dexi cumandamentus 85
Is cumandamentus de sa lei de Deus funti
dexi
Dèu seu su Signori, Deus tú ne as a tenni
atru Deus si no a mei.
Non nominai su nòmini de Deus invanu.