Is Pregadorias antigas: su signo de sa devozioni - Provincia del ...

348
candu eus a intrai
in sa divina preséntzia.
Custas cíncui Avi Marias
arrasadas cun riveréntzia.
Pregadoria po su mangianu 422
In nòmini de su Babbu, e de su Fillu e de
s’Ispíridu Santu. Aici siat.
Bos adoru, Deus miu, bos amu cun totu
su coru.
Bosi ringràtziu de m’ai creau, fatu Cristianu
e cunservau in custa noti.
Bosi ofèrgiu totu is atzionis mias, e bosi
pregu chi mi fatzais sa gràtzia de no
s’ofèndiri mai prus, e po cussu de passai
sa dí de oi chene pecau.
Sa gràtzia siat sempri cun mei e cun totu
is carus mius. Aici siat.
Pregadoria prima de si corcai 423
Dèu mi corcu po mi dormí,
tres cosas tengu de pedí:
cunfessioni, comunioni e ollusantu,
su Babbu, su Fillu e s’Ispíridu Santu.
Su letu miu est de cuatru cantus,
e dhoi crocat cuatru santus:
primu primu su nòmini de Deus,
pustis su santu beneditu,
s’àngiulu e sa guida siat aintru,
e s’aremigu siat in foras.
Pregadoria primu de si comunigai 424
Sa mesa de su Sinniori
est po mei apariciada,
de àngelus ingiriada,
de àngelus po dha serbiri;
cali at a èssi cudha diri
IS PREGADORIAS ANTIGAS - SU SIGNU DE SA DEVOTZIONI
chi s’ànima mia at a èssi pura
de andai a sa segura
sentza de ingannu;
no si agatat istadu mannu
sentza de àtera nobbilesa,
su mi biri in custa mesa
sagrada de su celu,
Gesús amorosu e bellu
no mi abbastat su coru
de arreciri custu tesoru,
su chi est asuba de s’altari,
su divinu mandiari
est prevénniu a innòi
est ispartiu cun fidi e cunfiantza
cun d-unu mari de abbundàntzia;
dèu amu e isperu in tei,
unu soberanu rei,
debustis de sa morti
fiat unu dolori forti,
de su pecau,
Gesús sacramentau.
Responsóriu in onori de Santu Perdu
príntzipi de is apòstolus 425
Ordinau in sa diócesi de Ales Terralba
Tradutzioni sarda
Su Capu de is Apòstolus
Non tardis a invocai,
Si bolis incontrai
Potenti Difensori.
O Perdu, de su Celu
Is crais as tentu in donu:
A su divinu Tronu
Sias nostu Condutori.
Comenti su spergiuru
Amaramenti as prantu,
Oteni aturetantu
Donu a su pecadori.
O Perdu...