Is Pregadorias antigas: su signo de sa devozioni - Provincia del ...

Comune di Sanluri
Babbunostedhu pitiu pitiu 437
Babbunostedhu pitiu pitiu,
pesau mi seu in bonu camminu
pesau mi seu in bonu mengianu
ndi est aprobiada Nostra Signora
e mi at fatu sa gruxi in fronti
Deus si ndi campit de mala morti
e de morti subbitana
e de àcua de funtana
e de àcua de arriu,
Babbunostedhu pitiu pitiu.
Cànticu in onori de Gesús risuscitau 438
Cun dogna sonu bellu armonizanti
Canteus ca Gesús est resuscitau
Aici gloriosu, aici triunfanti,
Po virtudi própria chi dh’at operau
A dogna guàrdia chi fit vigilanti
A dh’èssi aterrida pagu dh’est costau
De sa sepoltura sa perda pesanti
A lébiu s’Àngelu totu at furriau
Nci bolliat bint’óminis de fortza bastanti
Dha smovi de aundi Gesús sepultau
Contzillat Pilatu cun calúnnia tanti
A nai ch’is Apòstolus ndi dh’ant furau.
Po nai de aici dhis donat dinai.
Gesús risórgiu apena
Andat sa Maddalena
E de Gesús domandat,
Sa Maddalena bandat
A Gesús a circai,
Dhi aparit po dhi nai,
Ddu bit, dh’ollit tocai
De cantu dh’amat cun fidi
Dh’ollit tocai, dhu bidi:
“No mi tochis” dhi at nau.
Gesús risórgiu apena
Andat sa Maddalena,
Che prima non domandat,
Sa Maddalena bandat,
Nova bella at portau.
Perdu e Giuanni est andau,
Solu ant incontrau
Sudàriu e lentzolu,
Ant incontrau solu
Po crei sentz’abbusu.
Gesús risórgiu apena,
Andat sa Maddalena,
Che prima no domandat,
Sa Maddalena bandat
fendu scí de Gesúsu.
Maria s’allirghit prus
Poita is pannus sus
Po annus prus de annus
E poita ch’is pannus
De lutu at cambiau.
357
Gesugristu candu est risórgiu apena
De su pecadori s’est arregordau,
Prima de cumparri a sa Maddalena
Dh’at a èssi sa Mamma bistu e fuedhau
Narat iss’etotu prima ’e bí sa scena.
In tres dis su Témpiu suu edificau,
In trinta tres annus de vida terrena
E po cuss’onori chi at trabballau
De fragilidadi terra ca ses prena
Tremi po èssi foras chini t’at creau
Prus cun meravíglia de Giona in sa balena
Ca dopu tres dis ndi dh’at riversau.
Deus ti salvet, Maria 439
Deus ti salvet, Maria
chi ses de gràtzia plena.
De gràtzias ses sa vena
e sa currente.