Is Pregadorias antigas: su signo de sa devozioni - Provincia del ...

Comune di Samassi
in custa bassa valle de làgrimas plena de amarguras e po meda tempus umiliada e casi
sepultada, su Coru Bostu fiat, po nai aici, impassienti de dha onorai, de dha esaltai,
de dha glorificai; e dh’eis fatu certamenti de grandu e onnipotenti Deus comenti seis,
e cun sa magnificéntzia e cun s’afetu chi a s’istimada Mama Bosta cumbeniat. E
comenti no, si generosu e magníficu abereis ancora a is serbidoris in s’ora de sa morti
insoru is tesorus de is eternus ammiràbbilis bènis Bostus, e dèu seu certu chi seis
dispostu a fai aici ancora cun mei chi seu pruini e cinixu e pecadori e reu? Dèu Bosi
adoru, dèu Bosi torru gràtzias, dèu Bosi gloríficu, o Gesugristu; e Bosi amu, e Bosi
disígiu, e a Bosu suspiru imoi e po s’ora de sa morti mia. Ma Bosu, o amantíssimu
Salvadori de is óminis, acrescei in mei sa Fidi chi illúminat, sa Caridadi chi inflammat,
sa Sperantza chi assegurat: acresceidha imoi po chi dèu biva santamenti, acresceidha
prus de totu in s’ora de sa morti mia, po chi de cust’esíliu dèu santamenti
passi a Bosu e in Bosu eternamenti mi reposi.
Unu Babbunostu, tres Ave Marias, unu Gloria Patri.
Oratzioni a sa Vírgini Maria
Santíssima Vírgini Maria! Dèu cuntemplu cun ammiratzioni sa subrabbundàntzia de
is allegrias, chi in su letu de sa beata morti Bosta benint comenti a torrentis a inondai
sa grandu Ànima Bosta a sa vista de is cosas già passadas e de is chi si depint cumpliri
ancora po Bosu certissimamenti. Cudha eterna predestinatzioni chi Deus si fiat
dignau fai de Bosu a Mama de su Fillu Suu Incarnau e a cooperadora de is Mistérius
de Issu; cudhas grandiosas preditzionis fatas po Bosu de su printzípiu de su mundu;
cudhas magníficas Profetzias e Figuras mostradas de Bosu a is óminis de totus is
tempus; e pustis sa nobbilesa de su sànguini Reali, e sa ignorada vida oscura; sa
umilidadi de su coru, e sa esultatzioni de s’ispíritu, su prus afortunau matrimóniu, e
sa Virginidadi sa prus immaculada; is timoris e is isperantzas; is penas de sa poberesa
e s’ammiratzioni de is portentus; sa Gruta e su Calvàriu; sa Palestina e s’Egitu; sa
domu de Nàzaret e su Templu de Gerusalemmi; e s’ispada de su dolori chi non tenit
su símili, e is consolatzionis soberanas chi non tenint is ugualis: custas, sí, e totus is
àteras maravíglias già passadas si presentant isplendidamenti ordinadas a s’Ispíritu
Bostu, comenti ogetus de infinitas allegrias chi non depint bèniri mancu in eternu. E
riunendu in sa illuminadíssima menti Bosta is primas e is últimas, e confrontendu is
unas e is àteras cun is raxonis altíssimas de is Divinus Consillus, podeis meda bèni
repítiri, o cara Mama, su chi iat nau Gesús Fillu Bostu morendu in sa Gruxi: consummatam
est, totu est cumpliu. Issu dh’iat nau plenu de doloris; ma Bosu o cun cali
soberana allegria dhu nais, biendu comenti su Segnori at già efetuau magnificamenti
in Bosu e po mesu Bostu is antigas promissas Suas fatas a is Patriarcas Abramu, Isacu
e Giacobbi, e is infinitas misericórdias Suas po totus is Pópulus de sa Terra! S’Ànima
Bosta duncas torrat innòi a cumentzai cun fervori prus mannu po dhu continuai in
s’eternidadi su cànticu de sa glorificatzioni de su Segnori e de sa esaltatzioni de
s’Ispíritu in Deus únicu eternu Salvadori; e a su cantu Bostu, crescendu intertantu
sentza misura is allegrias Bostas, respondint is Angélicas armonias. – Ma o cantu est
su gosu Bostu po is cosas chi si depint cumpliri intrendu Bosu in s’eternidadi! Passau
est già po Bosu s’ierru, isparéssias is tempestas. Pesadindi, Bosi narant is Celus,
307