Is Pregadorias antigas: su signo de sa devozioni - Provincia del ...

Comune di Samassi
vàriu, plenendusí de amargura, istat firma in sa fidi Sua, e coòperat a su Rescatu de su
mundu. Finalmenti Bosu boleis chi Maria rapresentit in su Calvàriu totu sa Crésia de
su Testamentu nou, sa cuali cumentzat a si formai printzipalmenti in Issa e po mesu
de Issa in sa morti de Gesús. Maria Addolorada est duncas asuba de custu monti in su
puntu prus altu de is Mistérius, cumplendu a is ogus de sa Terra e de su Celu cun su
crucificau Gesús s’òpera prus sublimi e prus piedosa po totus is séculus e is generatzionis,
chi est sa glorificatzioni Bosta e sa saludi de su mundu. O sapientíssimu
consillu de su Eternu Amori! O grandesas de Maria addolorada! Bosi torru gràtzias,
o Eternu Babbu, Bos benedixu, e Bos amu.
Unu Babbunostu, tres Ave Marias, unu Gloria Patri.
Oratzioni a Maria Addolorada
Afligidíssima Vírgini Maria! Bosu seis sa Eva noa, chi cun su frutu beneditu de su
sinu Bostu eis bintu sa morti, e eis torrau sa vida a is miseràbbilis fillus de sa Eva
antiga. Bosu seis sa vera Mamma de is biventis chi cooperendu in su Calvàriu a su
Rescatu e a sa Regeneratzioni de is óminis cun s’abbundantíssima caridadi Bosta, eis
acuistau is frutus de una Maternidadi fecundíssima, apuntu insaras candu depiais
abbarrai Mama desolada sentza fillu in sa morti de s’Unigénitu Bostu Gesús. Su
própriu Gesús est chi proclamat custas grandesas Bostas de s’altu de sa Gruxi Sua
innantis de ispirai, poita chi declarendu po fillu bostu su discípulu Giuanni, in sa
persona de issu declarat po fillus Bostus totus is discípulus Suus, e Bosi infundit in su
coru unu teneríssimu maternu afetu po totus issus. Ma o cantu Bosi costat, o Benedita,
su èssiri Mama nosta? Bosu depeis biri mòrriri in d-unu mari de doloris su primugénitu
Bostu Gesús, e cumprendeis a su própriu tempus, chi grandu parti de is
nous fillus Bostus ant a èssiri bastantementi ingratus po Bosi trapassai cun noas ispadas
su coru. Aici candu seis in immensu dolori poita chi perdeis su primu fillu, agatais
àterus fierus doloris in su si abbratzai is segundus. O Mama de doloris! dèu seu
unu de cussus fillus chi Bosu eis partoriu in su Calvàriu, e chi Bos seis apustis dignada
de mirai cun particulari afetu. Ma ita Bosi apu a nai dèu, o ita apu a fai po Bos
consolai? Sciu chi Bos consolat sa contritzioni de su coru, su plantu de s’ànima penitenti,
s’amori sinceru a su crucificau Gesús Bostu. Ma su coru miu est duru e no scit
compungirisí, ne plàngiri, ne amai. Ita apu a fai dèu duncas? Ah! mi ndi apu a andai
a su Calvàriu: vadam ad montem mirrhae et ad collem thuris (Cantic. 4. 6). In custu
monti misteriosu in su cali totu est mirra de dolori, e incensu de amori puríssimu,
ponendumí inter Bosu, o Mama addolorada, e su crucificau Fillu Bostu, no, no at a
èssiri possíbbili chi su duru coru miu non bengat penetrau de amori e de dolori, e non
siat compuntu e fatu a arrogus. Ecu po tantu chi seu cun Bosu, o Maria a peis de sa
Gruxi Bosta, o Gesús. Dèu innòi mi prostru e mi umíliu. Adoru custu Sànguini e
custas Gliagas e custas amaríssimas penas Bostas e custu inesplicàbbili amori. Sunti
po mei totus custus mistérius. Innòi po cussu depongu e detestu totus is pecaus mius,
e ndi domandu perdonu. Innòi bagnu e puríficu sa pòbera ànima mia. Innòi a Bosu po
sèmpiri mi consagru, e innòi bollu bíviri e mòrriri. O monti santu! O Maria! O Gesús!
Teneimí innòi, e non m’iscaceis de is Santíssimus Peis Bostus.
Unu Babbunostu, tres Ave Marias, unu Gloria Patri.
299