Is Pregadorias antigas: su signo de sa devozioni - Provincia del ...

638
rosa mística sagrada:
bella, pura e preservada
de dónnia curpa veniali..
Ammiràbbili portentu,
cumpareis bella, Maria,
seis de is Santus ornamentu,
seis de su mundu alligria,
vera luxi e vera ghia
in custa vida mortali…
Sovrana, ecelsa reina,
in su Celu collocada,
cun grandesa peregrina
prus de totus esartada,
sa prus dínnia e venerada
de sa Corti celestiali…
Ti saludu, o témpiu vivu,
de s’augusta Trinidadi,
paxi, gosu e lenitivu
de s’afrita umanidadi:
sucurrisí cun piedadi
in s’úrtima dí finali…
Seis vasu de grandu onori
e de insinni devotzioni,
isperàntzia a su pecadori,
de afritus consolatzioni:
si mostrais, in s’ocasioni,
Mamma sa prus libberali…
O durcíssima Maria,
o coru prenu de amori,
chi renniais in cumpangia
cun s’eternu criadori,
collocai dónnia viadori
in su sarvu postu immortali…
Cun preghiera e cun votus
supricaus, cun umilidadi,
chi dongais a is devotus
saludi e felitzidadi
e pustis, in s’eternidadi,
sa grória celestiali…
IS PREGADORIAS ANTIGAS - SU SIGNU DE SA DEVOTZIONI
In crésia intru cun amori 934
In crésia intru cun amori
e salludu a su Sinniori.
A sa Vírgini Maria racumandu su coru
e s’ànima mia.
In sa porta de Bellei 935
In sa porta de Bellei
dhui at tremilla cravàrius,
una fémmina istraordinària,
una fémmina cristiana.
Nostra Sinniora innòi est passada
cun is àngellus apòstullus sus.
Biu m’eis a Deus Gesús?
Biu m’eis a Deus amau?
Po veru efetu innòi est passau
e su velu ‘e conca mi ndi dh’apu tirau
po ndi dh’istrexi su santu sudori
ca issu fiat meda assorau.
Andammus e andemmus
e de cantu prus trighemmus
incravau dh’agatemmus,
cun sa curona de ispinas.
Chi dh’at a intendi non dh’at a imparai
E a chi dh’at a iscí non dh’at a nai
Ma chi dh’at a nai custu tres bias
un’ànima de pena ndi at a bogai,
Sa dí de su giudítziu contus ndi at a giai.
Is gòcius de Paschixedha 936
Rit. Celesti tesoru d’eterna alligria,
dromi, vida e coru, riposa anninnia.
Dromi, frutu solu de su sinu miu,
dromi pipiu de mamma consolu. Rit.
Chi pràngias non bollu, dhi narat Maria.
Dromi, vida e coru, riposa anninnia. Rit.