Is Pregadorias antigas: su signo de sa devozioni - Provincia del ...

164
IS PREGADORIAS ANTIGAS - SU SIGNU DE SA DEVOTZIONI
Considera, ànima mia, chi tenis dópiu motivu de prangi e po Gesús chi tantu
penat po tui, e po tui etotu chi ingrata non fais che dh’ofendi. Oh cantu ses dura
e ostinada! Assumancu biendu a Gesús, chi dimostrat tantu piedadi po cussas
pòberas féminas, intra in cunfiantza e naradhi pentida: Amabbilíssimu miu Salvadori
e poita su coru miu non si disfait in làgrimas de pentimentu? Làgrimas, o
Gesús miu, bosi domandu làgrimas de dolori e de cumpassioni; po chi cun is
làgrimas a is ogus e cun su dolori in su coru mériti cudha piedadi chi eis mostrau
a is pòberas féminas de Gerusalemme. Deh, cuntzedeimí solu custa consolatzioni,
chi castiau de Bosu in vida cun ogus piedosus, bosi potza dèu cuntemplai in
puntu de morti. Signori apu penau, tenei…
Pater. Ave. Gloria.
Eia Mater fons amoris
Me sentire vim doloris
Fac ut tuum lugeam
Po is pecaus de sa genti sua
Issa bit in turmentus a Gesús,
Non dh’afligiaus nosus
Cun is pecaus nostus, is doloris.
Prangiaus…
IX Statzioni
V. Adoramus te, Christe, et benedicimus tibi
R. Quia per sanctam crucem tuam redemisti mundum
Custa nona istatzioni rapresentat su logu aundi Gesús fiat arrutu sa tertza borta in
terra cun sa gruxi. Ohi cantu fiat penosa, o ànima mia, cust’àtera arrutroxa de Gesús!
Mira cun cali indignatzioni cuss’angioni immaculau est trascinau de Giudeus furibbundus;
osserva comenti dhu pistant e dhu trascinant in su fangu. Oh maleditu pecau,
chi tantu maltratas su Fillu de unu Deus! Non méritat fortzis is làgrimas tuas unu
Deus aici oltragiau? Deh, naradhi duncas prangendu:
Onnipotenti Signori miu, chi cun d-unu solu didu susteneis su celu e sa terra, e chini
bos at fatu mai arrui? Ahi de mei sunt is recidivas mias e sa vida mia inígua cun sa
cali apu agiuntu sèmpiri pecaus a pecaus. Ma mi umíliu oi cumpuntu a peis bostus
risólviu de mi emendai, repitendu cun làgrimas e suspirus: Mai prus pecai, o Deus
miu, mai prus, mai prus.
Pater. Ave. Gloria. Signori, apu pecau…
Fac ut ardeat cor meum
In amando Christum Deum
Ut sibi complaceam