Is Pregadorias antigas: su signo de sa devozioni - Provincia del ...

354
A Nostra Segnora de is seti doloris 430
Fillus chi bolleis formai
de làgrimas dus arrius,
is crudelis doloris mius.
unu pagu cuntemprai.
Custu coru trapassau,
oh! si movat a cumpassioni,
candu su profeta Simeoni,
mi dh’iat profetizau,
de biri unu fillu amau
in d-una cruxi incravau.
Is crudelis doloris mius
unu pagu cuntemprai.
Unu Erodi persighendi,
a s’amau miu Gesús,
su dolori prus e prus
bandàt in mei aumentendi,
de su furori iscapendi,
a s’Egitu bandàt a abbitai.
Is crudelis doloris mius
unu pagu cuntemprai.
Seu de penas ingiriada,
po tres dis circu e non biu
a s’amau fillu miu,
chi in su templu disputada
e biendimí abbandonada
non mi potzu consolai.
Is crudelis doloris mius
unu pagu cuntemprai.
Aturu casi ademandada [dimajada?]
ca sa pena est tropu forti,
cundennau a infami morti,
unu fillu cuntemprendu
IS PREGADORIAS ANTIGAS - SU SIGNU DE SA DEVOTZIONI
SANLURI
apena podit andai.
Is crudelis doloris mius
unu pagu cuntemprai.
Mi mancat giai su respiru
candu in sa penosa gruxi
de custu mundu sa luxi
ecrissada dèu dha miru,
m’est alleviau su respiru,
cun cuntzolu su lagrimai.
Is crudelis doloris mius
unu pagu cuntemprai.
Una crudeli istocada,
chi su petus at abertu
de unu fillu, ancora at fertu
a mei mamma tribbuliada,
po is penas seu riservada,
bivu ma po agonizai.
Is crudelis doloris mius
unu pagu cuntemprai.
Sola aturu in amargura,
afrigia e isconsolada,
ca de mei s’est apartada
s’allegria e sa dolciura,
una trista sepoltura
at pótziu solu allogai.
Is crudelis doloris mius
unu pagu cuntemprai.
In sa solidadi trista
aturu innòi isconsolada,
de angustias acumpangiada,
e de afritzioni provista,
aundi giru sa vista
pena solu apu a incontrai.
Is crudelis doloris mius
unu pagu cuntemprai.