Is Pregadorias antigas: su signo de sa devozioni - Provincia del ...

218
IS PREGADORIAS ANTIGAS - SU SIGNU DE SA DEVOTZIONI
Úndixi funt is úndixi vérginis, dexi funt is dexi cumandamentus, noi funt is noi paramentus,
otu funt is otu corus, seti funt is seti donus, ses funt is ses cereus, cincu funt is
cincu liagas, cuatru funti de Vangelus, tres funt is tres Marias, duas funt is istellas de
Musè chi anti fatu luxi a Gesugristu candu est intrau in terras de Gerusalemme, Nome
Padre, Figlio, Spirito Santo amen. Chi ses Martinu, de paràulas bonas mi nd’a sa nai
doxi
Doxi funt is doxi apòstolus, úndixi funt is úndixi vérginis, dexi funt is dexi cumandamentus,
noi funt is noi paramentus, otu funt is otu corus, seti funt is seti donus, ses
funt is ses cereus, cincu funt is cincu liagas, cuatru funti de Vangelus, tres funt is tres
Marias, duas funt is istellas de Musè chi anti fatu luxi a Gesugristu candu est intrau in
terras de Gerusalemme, Nome Padre, Figlio, Spirito Santo amen, Chi ses Martinu, de
paràulas bonas mi nd’a sa nai
trexi
Trexi non est lexi e non lei, isparessidindi de mei!
Pregadoria 321
Sant’Àbrara e Santu Giacu
Mi campit de tronus e de lampus.
Pillonedhu crispu crispu,
Ita portas in su pitzu?
Ollusantu batiau!
Pregadoria 322
Sant’Àbrara e Santu Giacu
bosatru portais is crais de lampu
bosatru portais is crais de celu
no tocheis a fillu allenu
ne in domu e ne in su sartu
Sant’Àbrara e Santu Giacu.
Pregadoria 323
In su letu miu dhui at cuatru tancus
e dhoi crocant cuatru Santus:
dus in conca e dus in peis
Nostra Signora dhoi siat pronta
(cun su fillu acanta).
Pregadoria 324
Obrésciu e fatu luxi
Mi fatzu sa santa gruxi
A Deus chi mi at creau
In nòmini de su Babbu, de su Fillu
De s’Ispíritu Santu e aici siat.
Pregadoria 325
Santu Benedetu miu
Sarvamí de tronus de lampus de frummis,
de sa genti maba e de sa giustítzia
Chi calincunu c’est chi boit ofendi
sa domu in ca seu dèu
Pigaindedhi s’idea prima de lompi a s’eca.
Chistionai bosu Gesugristu cun sa língua
bosta benedita
Isperu chi custa gràtzia no mi dh’eis a negai.
Assistei a mimmi e a totu su mundu.
Pregadoria 326
Seu andada a bella bíngia manna
apu agatau sa bia romana