Is Pregadorias antigas: su signo de sa devozioni - Provincia del ...

446
Deus ti salvet, Maria 644
Deus ti salvet, Maria, prena de gràtzia,
su Signori est cun tegus;
benedita ses tui de totu is fémminas
e beneditu est su frutu de is intragnas tuas:
Gesús
Santa Maria, mamma de Deus,
prega po nos àterus pecadoris,
immoi e in s’ora de sa morti nostra.
Amen- Gesús.
Babbu nostru, chi ses in is celus,
siat santificau su nòmini tuu,
bengat a nosu s’arregnu tuu,
siat fata sa voluntadi tua,
comenti in su celu aici in sa terra.
Gòcius a Sant’Antoni de Pàdua 645
Portentu de su Signori,
De sa Crésia glória vantu,
Antoni, de Pàdua Santu,
Siast nostru protetori!
Bella planta frutuosa
De sa manu Onnipotenti,
Alta, seràfica, menti
De dotrina prodigiosa,
Viva istella luminosa
De celesti risplendori.
Antoni ecc.
Birdi cipressu divinu
In Lusitània plantau,
Debustis chi as abbratzau
Is pretzetus de Agostinu
De Franciscu Serafinu
Ti ses fatu imitadori.
Antoni ecc.
Postu in sa religioni
De su santu patriarca,
IS PREGADORIAS ANTIGAS - SU SIGNU DE SA DEVOTZIONI
In cussa mística barca,
Cun ferventi divotzioni,
Su portu de salvatzioni
As otentu cun onori.
Antoni ecc.
De vivu amori infiammau
In cussu santu giardinu,
De Gesús Verbu divinu
Ses istétiu visitau,
In bratzus tuus fortunau
Carignas su Redentori.
Antoni ecc.
Portentosu ti proclamat
Sa terra, su Firmamentu;
Arca de su testamentu
Su Pontífitzi ti aclamat;
A Tui su mundu clamat
E ses prontu a su clamori.
Antoni ecc.
Tzurpus, tzopus, istrupiaus
De malis e contagioni
Sunti cun s’oratzioni
In d-unu istanti sanaus,
Is mortus resuscitaus,
Cunvértiu su pecadori.
Antoni ecc.
Iscurtant in sa marina
Is piscis de s’altu mari,
Po portentu singulari
Sa católica dotrina
Bincis cun fortza divina
S’eréticu e s’impostori.
Antoni ecc.
Si bis su peregrinanti
In dúbbiu o aversidadi,
S’in mesu a sa tempesta
T’invocat su naviganti
Ti dhis mostras in s’istanti
Amigu consoladori.
Antoni ecc.