Is Pregadorias antigas: su signo de sa devozioni - Provincia del ...

Comune di Gúspini
Decennàriu 3
Aundi si méditat su nascimentu de su Fillu de Deus e si resat su decennàriu sighenti.
Babbu nostu…
Ofressimentu 3
O piedosíssima Vírgini Maria, Reina de is celus! Nosàterus bos ofreus custas
oratzionis in memória de su sagradu partu bostu in su cuali sentza dolori estis
donau a sa luxi su Salvadori de su mundu abarrendu sèmpiri Vírgini. Bosi suplicaus
po custu ecessivu amori, nos alcantzeis de s’amadu Fillu bostu su donu de sa
poboresa de ipíritu de reveréntzia a su Babbu, e de limpiesa de dogna vítziu a sa
fini de sa vida nosta.
Decennàriu 4
Aundi si méditat s’adoratzioni de is tres Reis, e si resat su decennàriu sighenti.
Babbu nostu…
Ofressimentu 4
O puríssima Vírgini Maria, Segnora nosta. Nosàterus bos ofreus custas oratzionis in
memória de su gosu chi estis tentu candu is tres Reis de s’Orienti iant adorau su
santíssimu Fillu bostu e dh’iant ofertu is pretziosus e misteriosus donus insoru. Bosi
suplicaus chi nos alcantzeis de èssiri arricius in oferta de vivu sacrifíciu, atzetu, e
aggradàbbili a s’eternu Babbu, purificau de dogna vítziu po mesu de sa peniténtzia e
fogu de s’amori divinu. Amen.
Decennàriu 5
Aundi si méditat su Ninnu Gesús pérdiu e incontrau in su templu e si resat su decennàriu
sighenti.
Babbu nostu…
Ofressimentu 5
O misericordiosíssima Vírgini Maria imperadora de is àngelus! Nosàterus bos
ofreus custas oratzionis in memória de su gosu chi estis tentu candu estis incontrau
in su Templu su divinu Fillu bostu, disputendu cun is dotoris de sa Lei
pustis sa pena de dh’ai pérdiu e circau po tres diis. Bosi suplicaus chi nos alcantzeis
chi sèmpiri s’ocupeus in circai su Deus nostu cun grandu sentimentu
de dh’ai pérdiu e pustis incontrau non si apartit de nosàterus po grandu misericórdia
sua. Amen.
189