Is Pregadorias antigas: su signo de sa devozioni - Provincia del ...

Comune di Villacidro (Bidhaxidru)
Creu in bosu, Deus miu, ravivai sa fidi mia: isperu in bosu confirmai s’isperàntzia
mia, amu a bosu, Deus miu, amàbbili e infinitu, aumentai in mei s’amori bostu: mi
pentu cun totu su coru de s’ai oféndiu Deus miu, bondadi infinita atzetai su dolori
miu, propongu de no s’ofendi mai prus, Deus miu amàbbili e infinitu, avalorai su
proponimentu miu, propongu de mi santificai cun is santus Sacramentus bostus, Deus
miu, santidadi infinita inflamai su disígiu miu.
Amabbilíssimu Gesús miu, a bosu ancoras mi racumandu, assisteimí in sa dii de oi,
libberaimí de dogna mali de s’ànima e de su corpus, ocultaimí in su santíssimu costau
bostu, serraimí in su dultzíssimu coru bostu, purificaimí cun su pretziosíssimu sànguini
bostu, arregoleimí aínturu de is santíssimus bratzus bostus. Amen Gesu.
Oratzioni po dogna dii de sa Novena
Clementíssima Signora, e Reina Soberana de su Remédiu, chini mai at a pòdiri arribbai
a cumprèndiri is etzellentis dodas e prerogativas, de is calis su Signori at bófiu
adornai sa bella ànima bosta mentras s’at elígia po Mamma de s’Unigénitu Fillu suu
po operai cun Issu sa Redentzioni de su géneru umanu. Nosàterus rendeus infinitas
gràtzias de custu tratu de providéntzia a sa Trinidadi augustíssima mentras innaltzendu
a bosu a una dignidadi aici manna, e sublimi at bófiu costituirisí amorosa dispensadora
de is immensus tesorus de is beneficéntzias suas.
E po cussu umilmenti bosi suplicaus, chi si digneis otennirinosí de Fillu bostu gràtzia
de provai is efetus de sa santíssima redentzioni sua, po chi purificaus de dogna mància
de pecau arribbeus a sa tzelesti Gerusalemme. Bosu intantu o paxi, o gioja, o
saludi de totu su mundu, po cudhu infinitu poderi, chi Deus bos at cuntzédiu siais sa
difensora de sa fidi católica, e sa medianera de s’esaltatzioni sua, e sa destrutzioni de
is eresias, s’abbogada de sa paxi, e de s’unioni intre is Príntzipis, e Reis Cristianus, sa
consoladora de is ànimas Santas de su Purgatóriu, e de is infelitzis isclaus cristianus,
abbreviendu cun sa intercessioni bosta su riscatu insoru tantu suspirau, finalmenti
s’únicu refúgiu de nosàterus míserus fillus de Adamu in custa valle de làgrimas,
etzitai, aumentai, e cunservai in nosàterus sa divotzioni bosta o Reina de su mundu
po sa cuali potzaus rendirinosí dignas de totus is gràtzias de fillu bostu santíssimu e
spetzialmenti de is chi domandaus a bosu in is diis de custa novena. Amen Gesu.
Si cantat noi Babbunostrus, noi Ave Marias, e unu Gloria Patri po is noi mesis chi
Maria Santíssima est istétia in is intragnas de sa Mamma sua Santíssima Anna.
Prima dii
Puríssima Vírgini Maria! Nosàterus divotamenti si veneraus cun su títulu gloriosu de
su Rimédiu su cali nos arregordat is singularis privilégius, chi bosu eis arreciu in s’istanti
fortunau chi seis istétia innaltzada a sa grandu dignidadi de Mamma de su fillu de Deus
e infinitamenti ringratziaus s’Onnipotenti Signori, su cuali cun sa providéntzia sua at
bófiu fintzas de s’eternidadi elígiri a bosu, o Vírgini Immaculada, e preparaiosí cun
s’abbundàntzia de is donus de s’Ispíritu Santu, po chi de bosu essit pigau carni mortali
s’Unigénitu Fillu suu, a ogetu de redimiri su pópulu e ricontziliaidhu cun s’Autori e
Creadori suu, poita chi bosu seis sa prima a provai is efetus de custu Rimédiu aici
541