Is Pregadorias antigas: su signo de sa devozioni - Provincia del ...

204
A Nostra Signora e is Santus 283
In su cíncui de Austu, de meda passau,
in Roma citadi, s’est dépiu notai;
dus grandus patrítzius íanta disigiau
a Nostra Signiora arregalu a dhi fai.
Sa sienda manna, ch’iant ereditau
Fiant orgogliosus po bèni a donai;
Nostra Signora in su sonnu dh’at nau,
Bollu in s’Escuillinu una crésia a mi fai.
Giovanni ndi abbarrat de custu turbau
No isciendi cumenti podi cumentzai;
de Papa Tibbériu si fut presentau,
Issu puru in sonnu, dh’iat dépia fuedhai.
Si ponint in cica de su logu indicau,
e ita sorpresa depiat constatai!
Arribbant e binti su colle niau:
fut Nostra Signora su miràculu a fai.
Fut nàsciu su Témpiu chi esistit ancora
Eita meravíglia po dhu cuntemplai;
est unu de is mannus chi Nostra Signora
at bófiu in Itàlia po dha venerai.
Veneratzioni finas in Sardigna
E in Pabillonis ch’est sa nostra zona,
po dhi dimostrai sa fidi prus digna
is antigus nostus dh’iant bófia patrona.
Sa Sardigna nosta est devota a Maria
De medas santuàrius seus circondaus
Po chi issa sèmpiri si mostrit sa bia
E nosu patrona nosta dh’onoraus.
IS PREGADORIAS ANTIGAS - SU SIGNU DE SA DEVOTZIONI
PABILLONIS
Babbu Nostu 284
Babbu nostu chi istas in is celus, siat santificau
su nòmini tú, bèngiat a nosu su
regnu tuu, siat fata sa voluntadi tua cumenti
in su celu aici in sa terra. Su pani
nostu de dogna dí donanosidhu oi e perdonanosí
is pecaus nostrus cumenti nosàturus
perdonaus is depidoris nostrus,
non lessis arrui in sa tentatzioni, ma libberasí
de mali. Amen.
Celesti Tesoru 285
Celesti tesoru
d’eterna alligria,
dromi fillu ‘e coru
riposa anninnia.
Riposa Signori
dormi fillu amau
su verbu incarnau
fatu Redentori
po su pecadori
patis agonia.
Dromi fillu…
Soli risplendenti
D’eternu lugori,
Su prus mellu frori
Chi tenit s’orienti,
D’eternu lugori
Soli risplendenti,
Gravellu ecellenti
Chi tenit Maria
Dromi fillu…