Is Pregadorias antigas: su signo de sa devozioni - Provincia del ...

Comune di Pabillonis
Su Vangéliu 313
Su Vangéliu chi in paràulas s’at portau
Totu cantu sa vida de Gesugristu
Cun sa bonesa sua iat abbratzau
A chi est contentu e a chi est a coru tristu.
Is cuatru personàgius importantis
Si faint istrada in totu sa terra
No scinti cummenti su de fai innantis
In cust’impegnu e su dhis parri …terra.
Is evangelistas sceberaus cun amori
Luegu cummèntzanta s’arti de predicai,
Dhis at donau grandu scientza su Signori,
Dhis fut istétiu cumenti e chi mai.
Mateu po primu comentzat s’impresa
Testimoniendu sa natividadi,
Sa fuga in Egitu fut grandu sopresa
A gioja e ispantu de s’umanidadi.
213
E candu fut fatu mannu su Messia
Afrontat is dotoris in su Témpiu,
Circhendidhu disisperada fut Maria
Timmendu de èssi arrutu in cuncu scémpiu.
A trint’annus cumprius su Signori
Mateu custu s’iat afirmau
Fut giai fadendu strada su precursori
Giuanni cust’eventu iat predicau.
Ecu in su Giordanu su Messia
Bollu chi siast tui a mi batiai
Giuanni totu prenu de timoria:
Signori non seu mancu degnu de t’iscrutzai!
In s’àcua ingenugau s’est Gesusu
Ispetendu su fradili a dhu batiai,
Sa boxi de Deus fut calada de susu:
A Gesús isceti depeis ascurtai!