Is Pregadorias antigas: su signo de sa devozioni - Provincia del ...

Comune di Villamar
Est Issa sa vera ghia,
S’assisténtzia est plus che segura.
Pregai…
18) Calisiollat traversia
Issa solit riparai,
Nisciunu non podit nai:
M’at ripudiau Maria.
A su mundu Issa est benia
Po calmai dogn’amargura.
Pregai…
19) In su templu tuu sagrau
Innumeràbbilis votus
Esprimint de is devotus
Sa gràtzia chi ant alcantzau,
A chini ti at suplicau
As sucurtu cun premura.
Pregai...
O Reina de s’altura,
vera Consoladora,
Pregai po nosu Signora,
De Ítria Vírgini pura!
Gòcius de Sant’Antoni de su fogu 834
Penitenti prodigiosu de solitàriu modellu
prega po nosu in su celu, Antoni Santu
gloriosu.
Cun isplendori infinitu
donat Antoni cun fama
de nóbbili babbu e mamma
Cuma, citadi in s’Egitu
po èssi in dogna cunflitu
eroi prontu e famosu.
S’evangélica dotrina
chi in sa Crésia apréndiu iat
in pràtica dha poniat
cun pretesa peregrina
donendu a sa boxi divina
prontu assensu e fervorosu.
De s’eternu Amori fertu
in sa prus florida edadi
circhendu sa santidadi
andastis in su desertu
e a Deus si seis ofertu
cun grandu afetu amorosu.
Ispíritus infernalis
s’impegnànt a ti tentai
po ti ndi podi furai
is donus celestialis
parendu latzus mortalis
cun ispíritu orrorosu.
Antoni cun fortilesa
a s’inferru ponit gherra
e ponit totus in terra
is dimónius cun lestresa
riportendu in dogna impresa
sa corona vitoriosu.
Su soli in primu orienti
preghendu t’at incontrau
e preghendu ti at lassau
declinau in s’ocidenti
sentza tenni po nienti
su corpu fiacu riposu.
De su fogu difusori
ti proclamant is devotus
giai chi po tui a totus
gràtzias donat su Signori
e po cussu cun onori
ti aclamant prodigiosu.
Candu benit a mancai
prenda alcuna de valori
tui Antoni intercessori
donas luxi a dh’incontrai,
su furau fais torrai
de su ladroni ambitziosu.
593