Is Pregadorias antigas: su signo de sa devozioni - Provincia del ...

Comune di Siddi (Sidhi)
E su pópulu infuriau
Contra cussus impostoris,
Calis vilis traitoris
Sa morti dhis at donau,
E de coru at aclamau
A su Deus prodigiosu.
Donasí....
S’altíssimu ti cuntentat
Fendisí biri isvelau;
Unu crobu at destinau
Chi fieli t’alimentat;
Unu pani ti sustentat
Cuaranta dis vigorosu.
Donasí...
Ecu su carru luxenti
Ch’in altu t’at trasportau
T’at bófiu cunservau
In vida s’Onnipotenti
Po chi mostris zelu ardenti
In tempus calamitosu.
Donasí...
Cun s’anticristu a gherrai
Valorosu as a bessiri
E su mundu t’at a biri,
T’at a intendi predicai,
Sa fidi as a sigillai
De màrtiri gloriosu.
Donasí...
Ma su profeta ferventi
Sa vitória at a cantai
Chi dh’at a risuscitai
Su Signori onnipotenti
E, bintu su prepotenti,
In celu bolat gloriosu.
Donasí..
Salve, o profeta zelanti
De Deus tanti illustrau;
Custu pópulu prostrau
T’invocat cun coru amanti
Po chi potzat triunfanti
Binci su mundu ingannosu.
Donasí..
Astru claru e luminosu
De s’ispíritu ferventi,
Donasí s’amori ardenti,
Elias miraculosu.
Oremus 633
A sa Vérgine de Itria 634
Divina reina abbogada,
Dulcíssima protetora,
sucurreinosí, Signora,
Mamma de Ítria lamada.
Santu Luca bos pintesit
Cun su pinsellu sagrau,
Tantu belloi os at formau
Chi ammirau si nd’istesit,
Sa cara bosta restesit
De gràtzias totu dotada.
Sucurreinosí...
Cudhus canis maometanus
Cun furori singulari
Bosi nci ghetesint a mari
Cun duus agostinianus
E cun bosu torrant sanus
A sa pàtria suspirada.
Sucurreinosí...
Benit forti e poderosa
Un’armada maometana
Po destruiri inumana
Sa pàtria bosta diciosa:
Meravíglia prodigiosa,
S’armada restat bruxada.
Sucurreinosí...
437