Is Pregadorias antigas: su signo de sa devozioni - Provincia del ...

494
Pro esser essentziale inue
Deus si est intronizadu
Alma chi no at gustadu
De sa fruta proibbida.
Sereníssima
Passat in sa Concetzioni
Sentza culpa originali
A sa forma ratzionali
De sa sua formatzioni
Pro eterna ordinatzioni
De sa gràtzia prevenida.
Sereníssima
Sa sapiéntzia chi perdesit
Eva po sa pagu esperiéntzia
Cun divina providéntzia
A Maria dha cuncedesit
E Signora dha fetesit
De sa morte e de sa vida.
Sereníssima
O Fémina chi as fatu
Cun passione cun dolore
De Nabuco Donosore
In s’infernale palatu
E sa poténtzia as disfatu
De Olofernes Muricida [?].
Sereníssima
Eterna Gràtzia e pecadu
In sa bosta cuncetzioni
E in custa opositzioni
A sa culpa ant cundannadu
Pro chi bos ant aclamadu
De Deus Mama elegida.
Sereníssima
Eva su Celu serresit
E Maria lu apergesit
Eva su mundu perdesit
Maria lu ricuperesit
Eva sa morte nos desit
E Maria s’eterna vida.
Sereníssima
IS PREGADORIAS ANTIGAS - SU SIGNU DE SA DEVOTZIONI
In sa prima ispiratzioni
De sos alicutos [?] vitales
Sos favores celestiales
Bos preservant delusione
Dàndhebos esentzione
De sa pena e de sa vida.
Sereníssima
De sa culpa diletada
Ch’in s’ortu Adamu comitesit
Maria salva istesit
Pro esser privilegiada
Luna mista figurada
D’ermas caras soroida [?].
Sereníssima
Provenit po sa disgràtzia
De su primu Adamu terrenu
De sa culpa su velenu
Anti datas [?] de sa gràtzia
Burlendhe sa pertinàcia
De sa mania introdusida.
Sereníssima
Inter ispinas resplendhet
Custu Lizu Angelicale
Prus sa culpa originale
A Maria non cumprendhet
Pro chi Deus la pretendhet
De dogni culpa iscluida.
Sereníssima
Aplicau pro custu onore
Su Babbu s’onnipoténtzia
Su Fizu sa sapiéntzia
E s’Ispíritu s’amore
Concurrindhe a su favore
S’Alta trinidade unida.
Sereníssima
D’Eternas lughes bestida
Perfetíssima Aurora,
Sereníssima Signora
Sentza culpa cuntzebida.