Is Pregadorias antigas: su signo de sa devozioni - Provincia del ...

Comune di Sanluri
Po Gesús festosu e bellu
Cun su mantu est apariu
Narendi: Aici bistiu
M’at Martinu serbidori.
Martinu...
Po serbiri a Gesugristu
Sa milítzia abbandonas,
E animosu ti donas
De sa sciéntzia a s’acuistu:
Sant’Ilàriu est su maistu
Chi t’imparat cun amori.
Martinu...
Sacerdotu cunsagrau
Prédicas cun santu zelu:
Tant’ànimas a su Celu
As, Martinu, concuistau,
Mamma tua as libberau
De s’idolàtricu errori.
Martinu...
Grandus penas as sufertu
Po amori ‘e Gesugristu,
Ma cunvértiu poi as bistu
S’assassinu chi t’iat fertu,
A tui pustis s’est ofertu
Discípulu imitadori.
Martinu...
Ses de totus venerau
Po sa grandu santidadi,
De Tours totu sa tzitadi
Obispu t’at aclamau
Connoscendudí ornau
De is virtudis de Pastori.
Martinu...
Apenas chi as acetau
Ecu sa prova evidenti
Chi su Deus Onnipotenti
T’at a Tours destinau;
Unu globbu est abbasciau
De fogu illuminadori.
Martinu...
A sa genti mali sana
Donas saludi e cunfortus;
E torras in vida is mortus
Po virtudi soberana
E tanti genti ariana
Cunvertis a su Signori.
Martinu...
As in Tours edificau
Unu magníficu Guventu
Aundi bivis cun cuntentu
In totu mortificau
Ses de medas imitau
In custu santu rigori.
Martinu...
In edadi de otant’annus
Moris, mirendu su Celu,
De santidadi e de zelu
Lassas tui esemplus mannus
De is terrenus afannus
Bolas a s’altu isplendori.
Martinu...
In ispíritu bolau
De Milanu s’est Ambrosu,
Su funerali famosu
De tui acumpangiau,
A Martinu at tribbutau
Celu e terra grandu onori.
Martinu...
Giaghí gosas, grandu Santu,
In su regnu gloriosu
Miranosí piedosu
In custa valle de plantu;
Distendinosí su mantu,
Cunfortasí cun amori.
Martinu miraculosu,
Siasta nostu protetori.
359