Is Pregadorias antigas: su signo de sa devozioni - Provincia del ...

220
Pregadoria po is istracias 334
Santa Bràbara e Santu Giacu
bosu portais is crais de lampu
bosu portais is crais de celu
non tocheis a fillu allenu
ne in domu e ne in su sartu
Santa Bràbara e santu Giacu.
Salve Reina 335
Salve, Reina,
ses mamma piedosa,
ses pura, fragrante,
e arrosa de su Paradisu!
Ses allirghia e arrisu
de dogna consolau
e de dogna tribbulau
tui ses su respiru!
O Maria, dèu pràngiu e sospiru
in custa valle de pena,
o Maria, ...faci serena,
..fui sa paura!,...
o Maria, ....madri de dolciura,
cun is ogus tuus piedosus,
maternus e amorosus,
furrianosí!,
arregolinosí,
abàsciu de su santu celu,
e a fillu tú in su celu
fainosí biri,
po chi potzaus fuiri
de dogna tentatzioni,
de dogna tribbolatzioni
de pecai,
po podi acabbai
bèni sa vida nosta!
Cun sa manu bosta
lompeus a su celu,
o mamma de santu velu,
o mamma sa prus diciosa,
o dolce Virgo amorosa,..
Deus si salvit!!!
IS PREGADORIAS ANTIGAS - SU SIGNU DE SA DEVOTZIONI
Via Crucis 336
DIALOGO TRA MARIA E GESÚ
G: Giai chi restat ordinau
po divina providéntzia,
mamma donaimí licéntzia
ca bandu a morri incravau.
M: Si de mancu no ndi podis fai,
fillu, de cantu domandas,
dèu bandu si tui bandas
cun tui mi ant a incravai.
G. Mamma sa prus afrigida,
mamma prena de dolori,
a manus de pecadori
depu perdi custa vida.
M. Fillu miu apretziau,
crudeli est custu decretu
morri cun tanti turmentu,
fillu in d-una gruxi incravau.
G. Non tenit apellatzioni,
o mamma custu patiri
depu innocenti sunfriri
tanti penas e passioni.
M. E poita ti ses ingenugau
innantis de ti partiri?
G. Mamma, benediximia
su lati chi mi eis donau!
M. Fillu, sa beneditzioni
chi domandas tui de mei
dha domandu dèu de tei
cun vera somissioni.
G. Beneditu totu cantu
podit cudhu eternu rei,