Is Pregadorias antigas: su signo de sa devozioni - Provincia del ...

Comune di Pauli Arbarei
Ave Maria 315
Deus ti salvit, Maria, prena de gràtzia, su
Sinniori est cun tegus, benedita ses tui
intre totu is féminas, e beneditu est su frutu
de is intrànnias tuas, Gesús. Santa
Maria, mamma de Deus, pregai po nosàterus
pecadoris, immoi e in s’ora de sa
morti nosta. Amen Gesús!
Babbu nostu 316
Babbu nostu, chi istas in is Celus, santificau
su nòmini tuu. Bengat a nosu s’arregnu
tuu. Siat fata sa voluntadi tua, comenti
in su Celu aici in sa terra. Su pani
nostu de dogna dí donanosidhu oi, e perdonaisí
is pecaus nostus cumenti nosatrus
perdonaus is depidoris nostus. Non
si lessis arrúiri in sa tentatzioni, ma libberanosí
de mali. Amen Gesús.
Cògius de su mesi de Maria 317
In festa de totus alligria
Lodendi sempri a Deus.
Su maju santificheus
ca est su mesi de Maria.
Custu su mesi prus bellu
Chi in totu s’annu teneus
A Issu nosu si doneus
Cun felici cumpangia.
Su maju santificheus
ca est su mesi de Maria.
Ridenti sa pianura
maestosa sa collina
vera festa peregrina
de sa Vírgine totu pura
sa Crésia cun premura
a totus serbat, a Deus.
su maju santificheus
ca est su mesi de Maria.
In maju totus is cosas
Tenint aspetu ridenti
Lodendi a S’Onnipotenti
Cun boxis misteriosas
De soavi melodia.
Su maju santificheus
ca est su mesi de Maria.
Is pillonis funt in gosu
in su bólidu e in su cantu
is piscis totus cantus
in su mari silentziosu
o mesi delitziosu
mesi de vera allegria.
Su maju santificheus
ca est su mesi de Maria.
Gòcius de Sant’Agostinu 318
Po decretu soberanu
de sa Crésia isplendori,
Agostinu, ses dotori
De su pópulu Cristianu.
Si Tagaste est registrada
cun fam’ancora in s’istória
issa tenit s’alta glória
d’èssiri pàtria tua biada,
non c’est símili illustrada
in territóriu africanu.
Agostinu ses dotori
de su Pópulu Cristianu.
Po èssiri rigenerau
a su fonti batesimali
est cumandu paternali
si non benis presentau
fillu de babbu istimau
cantu nóbbili paganu.
Agostinu ses dotori
de su Pópulu Cristianu.
215