Is Pregadorias antigas: su signo de sa devozioni - Provincia del ...

464
Adoratzioni de Nostra Signora
de su Cramu 674
Nosta Sannora mia de su Cramu,
si naru cun totu su coru ca dèu si amu,
cun totu su coru ca dèu s’istimu,
e s’ànima mia cun bosu dha frimu,
po mi podi giai luxi e riposu,
fintzas a s’ora de sa morti mia,
tzerriendi Gesús, Giusepi e Maria.
Annunciatzioni de Maria Vérgini 675
Oi apuntu est sigillada
In perpétua Profetzia
Sendu sa Vírgini Maria
De Deus Mamma annuntziada.
1. Su momentu est arribbau
O Ispíritu sedutori
Chi s’Eternu altu Signori
Cudha fémina at suscitau
Po ti tènniri impresonau
Cun fortza illimitada.
Sendu sa Vírgini Maria ecc.
2. Abèl giustu Santu Innotzenti
Chi su primu trapassau
Cantu làgrimas at costau
Inclinai S’onnipotenti
A cuncluiri finalmenti
Cudha paxi iscuntzertada.
Sendu sa Vírgini Maria ecc.
3. Tzérriat s’altu cun clamori
In su limbu [?] isconsolau
Aberidí, Celu Serrau,
IS PREGADORIAS ANTIGAS - SU SIGNU DE SA DEVOTZIONI
TUILI
Manda prestu su Salvadori,
Maria tzertu cun amori
Atzetat s’ambasciada.
Sendu sa Vírgini Maria ecc.
4. Si at a fai cun dinnidadi
Cantu narat sa Profetzia
De s’intemerada Maria
Si rispetit sa libbertadi
Est cun atu de voluntadi
Non dha bollu violentada.
Sendu sa Vírgini Maria ecc.
5. Gabrieli est destinadu
Sa grandu òpera a completai
A Maria at a incontrai
Sola in logu arritiradu
Tenit coru bèni formadu
Issa atzetat si est pregada.
Sendu sa Vírgini Maria ecc.
6. Deus ti salvit gràtzias plena
Est cun tegus su Signori
Chi t’at salvau po amori,
De s’originali cadena,
Ti saludu o Nazarena
De Deus Mamma saludada.
Sendu sa Vírgini Maria ecc.
7. Ma naramí e comenti
Podit èssiri cantu naras
Cantu tui mi declaras
No est a mei cumbenienti
Pura seu de coru e menti
De castu votu ligada.
Sendu sa Vírgini Maria ecc.
8. Cudhu Ispíritu de amori,
Ti at a umbrai, o Maria