Is Pregadorias antigas: su signo de sa devozioni - Provincia del ...

314
Via Crucis 381
IS PREGADORIAS ANTIGAS - SU SIGNU DE SA DEVOTZIONI
In nòmini de su Babbu, de su Fillu e de s’Ispíritu Santu. Aici siat.
Oratzioni
Apassionau Gesús miu, chi cun tanti amori eis bófiu portai Bosu etotu sa pesanti
gruxi, aundi depestis mòrriri vítima de infinita caridadi po is pecaus mius,
dèu Bos adoru e Bosi bollu acumpangiai cun sa possíbbili divotzioni in custu
penosíssimu viàgiu. Cun d-unu raju de luxi illustrai, o Signori, s’intendimentu
miu po meditai is altíssimus mistérius bostus; trapassai, o Signori, custu coru
miu de su prus intensu dolori de is gravis pecaus mius, is calis sunt istétius
s’única càusa de sa passioni e morti bosta. Si, o Signori, dhus detestu custus
pecaus, e po totu custu camminu dolorosu apu a andai prangendu, suspirendu e
de coru narendu: Gesús miu, misericórdia, Gesús miu misericórdia. In custa
meditatzioni de sa passioni bosta, o Signori, intendu de acuistai totus is indulgéntzias
cuntzédias de is summus Pontífitzis, e Bosi pregu de dh’atzetai po
mei, po su próssimu miu e in sufràgiu de is santas ànimas de su Purgatóriu.
Misericórdia Signori, Misericórdia Signori.
Stabat Mater Dolorosa
Statzioni I
V. Adoramus te, Christe, et benedicimus tibi.
R. Quia per sanctam crucem tuam redimisti mundum.
In custa primu statzioni si rapresentat su pretóriu de Pilatu aundi s’innotzenti Gesús
iat arriciu sa senténtzia de morti.
Cunsidera, ànima cristiana, s’ammiràbbili sommissioni de Gesús in abbratzai tanti
inícua senténtzia de morti, e morti infami de gruxi. Iscípias però chi is pecaus tuus
sunt istétius is falsus acusadoris chi ant formau custa senténtzia, e s’ostinatzioni tua
at obbligau s’inícuu presidenti a dha pubblicai; po cussu cun coru compuntu prostrau
ananti de sa gruxi nara cust’oratzioni:
Amantíssimu Gesús miu, ita incomprensíbbili amori est istétiu su bostu! Non bastàt
duncas su ai sufriu po custa indigna creatura cadenas, ispinas e befas, chi bolleis de
prus èssiri sentenziau a tanti ignominiosa morti? Ah! chi custu solu mi depiat trapassai
su coru de dolori po is pecaus mius. Fadei, o Giugi eternu, chi dèu po sa misericórdia
bosta sia assólviu in su tribbunali bostu.
Nareus unu Babbunostu, un’Ave Maria e unu Gloria Patri.
V. Misericórdia Signori.
R. Misericórdia Signori
Cuius? animam gementem, ecc.