Is Pregadorias antigas: su signo de sa devozioni - Provincia del ...

94
frutus, trabballus, sudoris
multiplicat generosu! Rit.
11) Tenend’issu apariciau
a pòburus unu cumbidu
a Gesús as arricidu
in pòburu trasformau,
cun custu ti at decretau
limusineri famosu! Rit.
12) Persistendi in s’oratzioni
unu mortu resuscitas,
maravíglias infinitas
fais a dogna personi
chi cun fidi e divotzioni
t’invocat coidadosu! Rit.
13) De s’altu sóliu de glória
aundi ses tui collocau
su messaju tribbuliau
teni sempri in memória,
a totus alcantza vitória
contra s’inferru orrorosu! Rit.
Santa Bàrbara 130
De virtudi e de gràtzia,
Bàrbara, veru tesoru,
Ti lodaus de totu coru,
Sprigu de Verginidadi.
Siast, Bàrbara, Protetora
In dógnia aversidadi.
1) Nicomédia fortunada,
pàtria de tanti Eroina,
sa Providentza Divina
t’at réndiu tanti onorada,
de Bàrbara decorada,
o aventurosa tzitadi. Rit.
2) De Dióscuru inumanu,
Nóbbili ómini e crudeli,
filla est Bàrbara fideli,
IS PREGADORIAS ANTIGAS - SU SIGNU DE SA DEVOTZIONI
ma de su mundu paganu
ndi dhi proponit invanu
sa mortali vanidadi. Rit.
3) Rica de intelligéntzia,
cuntemplat is creaturas
in sa terra e in is alturas,
ammirat sa Sapiéntzia,
connoscit sa Providéntzia,
amat s’Eterna Buntadi. Rit.
4) De sa gràtzia illuminada
aprendit celestis cosas,
nci pensat totus is oras,
ndi aturat innamorada,
a Deus totu cunsacrada
si bolit de prima edadi. Rit.
5) A Deus sèmpiri intenta
e a is prémius de su Celu,
Bàrbara, prena de zelu,
si santíficat atenta,
si mortíficat cuntenta
e crescit in santidadi. Rit.
6) De Angelicali bellesa
Deus Bàrbara iat ornau,
ma Dióscuru at pensau
de ndi fai vana grandesa
e in turri de siguresa
dh’inserrat po dignidadi. Rit.
7) Però in cussu nou ritiru
Bàrbara cun prus fervori
amat, lodat, su Signori
cun èstasi e cun suspiru,
po Issu est dógnia respiru
in ardenti caridadi. Rit.
8) Su babbu però mundanu
dha bolit donai isposa
a genti rica e famosa
in totu su mundu vanu,
Issa però dogna manu
rifiutat cun libbertadi. Rit.